"ნაციონალური მოძრაობის" ყოფილი წევრი, მაია ორჯონიკიძე, რომელმაც პარტია სულ ცოტა ხნის წინ დატოვა სოციალურ ქსელში პოსტს ავრცელებს და ერთი ასეთი ინიციატივით გამოდის:

"აქ ფრენდი წუხდა - მიშას პარტია გაიყო მელიისტებად და მიშისტებადო. ჰოდა თუ ასეა-მელიისტებმა დაარსონ თავისი პარტია-წაიყვანონ მელია და მიშას პარტია დაუტოვონ მიშისტებს! არ გაგვიწყალეს გული ამ ანტი-მიშა ხალხის პარტიაში მიღებით? რა უნდა გიორგი ფანჯავიძეს - ჰომოფობს და 5 ივლისისა და ლექსო ლაშქარავას მკვლელობის გამპრავებელს ნაცმოძრაობაში რომ მიიღო მელიამ?!"- წერს "ნაციონალური მოძრაობის" ყოფილი წევრი მაია ორჯონიკიძე "ფეისბუქის" პირად გვერდზე.

"ენმ"-ს აწ უკვე ყოფილი წევრი, რამდენიმე კვირის წინ საკუთარ პარტიას შემდეგი შინაარსის ფეისბუქსტატუსით გამოემშვიდობა:

"მე გავდივარ ნაციონალური მოძრაობიდან და მხოლოდ მას შემდეგ დავბრუნდები, როცა მიხეილ სააკაშვილი თავისუფალი იქნება და ენმ გახდება სამაგალითო შიდა დემოკრატიის მქონე პარტია. Adios!"- ვკითხულობთ ორჯონიკიძის პოსტში.

გუშინ კი, "ენმს" ყოფილმა წევრმა სოციალურ ქსელში დაწერა, რომ ის პუბლიცისტ, ნათია მეგრელიშვილისადმი სოლიდარობის გამო ნიკა გვარამიამ ფეისბუქმეგობრებიდან წაშალა.

"მომილოცეთ - გვარამიამ ფრენდებიდან ამომშალა ფორმალურად - ნათია მეგრელიშვილისადმი სოლიდარობის გამო, რეალურად - მელიასადმი ჩემი პოზიციის გამო. ჰო, ნათიაც ამოშალა. და ამათ უნდათ არჩევნების მოგება? თუმცა რაღაის არჩევნები და რაის მიშა?!ვინმეს ახსოვს ან ერთი ან მეორე?პრიორიტეტების მიხედვით საზოგადოების კრისტალიზაცია გრძელდება" - დაწერა ორჯონიკიძემ.