დასავლურ მედიაში გამოჩნდა ინფორმაცია ბრედ პიტის ახალი რომანის შესახებ, როგორც ამბობენ, მსახიობი შვედ მომღრალს, ლიუკე ლის ხვდება, რომელიც ცნობილია ჰიტით “I Follow Rivers". მართალია პაპარაცებს ისინი ერთად არ გადაუღიათ, მაგრამ ერთ-ერთ ჭორების საიტის მიხედვით, წყვილი ერთად ჰოლივუდში, რესტორან Mother Wolf-ში დაინახეს. რომანის საკუთარი „მტკიცებულებები“ ტაბლოიდებმაც იპოვეს. ასე რომ, The Sun იუწყება, რომ ბრედი და ლიუკე ერთმანეთისგან სამი წუთის მოშორებით ცხოვრობენ, რაც მათ ეხმარება "ფარულად შეხვდნენ".

გავრცელებული ინფორმაციით, ლიუკე მეზობელ სახლში ცხოვრობს, რომელიც 2018 წელს 1, 85 მილიონ დოლარად იყიდა მისი ყოფილი შეყვარებულის ჯეფ ბასკერის სახელით. წყვილს საერთო ვაჟი დიონი ჰყავს, რომელიც 2016 წელს დაიბადა.

წყაროების თანახმად, პიტმა მომღერალთან დროის გატარება ჯერ კიდევ 2021 წლის შუა რიცხვებში დაიწყო.

პიტის ყოფილი მეუღლე, ანჯელინა ჯოლიც მისი მეზობელია - მისი სახლი მსახიობის სახლიდან ხუთი წუთის სავალზეა. ჯოლიმ სპეციალურად იყიდა ცნობილი ჰოლივუდის რეჟისორის სესილ დემილის ყოფილი სახლი, რათა მას და ბავშვებს პიტთან ახლოს ეცხოვრათ.