მოდელი ნანუკა გოგიჩაიშვილი სოციალურ ქსელში ფოტოს აქვეყნებს, სადაც მომღერალ სოფო ნიჟარაძეს საჩუქრისთვის მადლობას უხდის:

"მადლობა საჩუქრისთვის, დღეს პირველად ჩავიცვით" -წერს ნანუკა გოგიჩაიშვილი და სოფო ნიჟარაძე ჰყავს მონიშნული.

ნანუკა გოგიჩაიშვილს გოგონა, რომელსაც აივი ნიკოლი დაარქვა, გასული წლის 20 აგვისტოს შეეძინა. ნანუკამ მშობიარობის წინა თვეები ამერიკაში მეუღლესთან ერთად, ბიზნესმენ ნიკოლოზ ნაყოფიასთან ერთად გაატარა.

ნანუკა ვიცე მის საქართველო გახდა 2009 წელს. მონაწილეობა მიღო მის სამყარო 2010-ში, ნანუკა ცნობილი ტელეჟურნალისტის, გიორგი გოგიჩაიშვილის ქალიშვილია, რომელიც 2019 წელს 51 წლის ასაკში გარდაიცვალა.

პოსტიდან არ ირკვევა, სოფომ ბავშვის ტანსაცმელი საჩუქარად აშშ-ში ნანუკას ყოფნის დროს გადასცა, თუ აქ ჩამოსვლის დროს.

როგორც ცნობილია, მომღერალი სოფო ნიჟარაძე ამერიკიდან საქართველოში გასული წლის ოქტომბერში თავის პატარა ქალიშვილთან-ელის მარია სააკაშვილთან ერთად დაბრუნდა.

რამდენიმე დღის წინ სოფომ საქართველო დატოვა და ისევ აშშ-ში დაბრუნდა, მომღერალმა თვითმფრინავიდან ფოტოც გამოაქვეყნა.