ქალის სხეულს დიდი მხატვრები და პოეტები ოდითგანვე ხოტბას ასხამდნენ და დითირამბებს უმღეროდნენ, დღეს კი მას ფოტოგრაფები ადიდებენ, და უნდა ითქვას რომ ამას მათზე ნაკლებად არ აკეთებენ. დღევანდელი პოსტი სწორედ იმ ფოტოგრაფებს ეძღვნება, რომლებმაც ქალის ღირსებების წარმოჩენა ისე იციან, როგორც სხვამ არავინ.

დაშტამპული სელფების, მკვეთრი მაკიაჟისა და პლასტიკური ოპერაციების საუკუნეში, ინექციებით გაბრუებულებს, სულ დაგვავიწყდა როგორ გამოიყურება ნამდვილი სილამაზე. დღესდღეობით, ხელოვნური სილამაზის მოტრფიალე გოგონებიც კი ძალისხმევას არ იშურებენ რომ რაც შეიძლება ბუნებრივად გამოიყურებოდნენ, რადგან მშვენივრად ხვდებიან რომ ბუნებისგან ბოძებულ ბუნებრივ სილამაზეს ალტერნატივა არ გააჩნია. ქვემოთ წარმოდგენილი გოგონების ფოტოებზე კიდევ ერთხელ დარწმუნდებით რომ ნამდვილი სილამაზე არა თავს მოხვეულ სილამაზის სტანდარტებშია, არამედ პირველ რიგში, ინდივიდუალიზმსა და ბუნებრიობაში.