საზოგადოება "ამიტომაც, ვაპიპინებთ და ვაპიპინებთ ქართველები ყველგან, ყოველთვის, მუდამ, განუწყვეტლივ!" - ბაკურ სვანიძე 2021, 29 დეკემბერი, 12:20
"არ არსებობს მსოფლიოში სხვა ხალხი, რომელიც ავტომობილს მოფერებით "პ ი პ ი ა ს" ეძახდეს! ე თ ნ ო ფ ს ი ქ ო ლ ო გ ი ი ს ყველაზე კარგი საკვლევი
საგანი - ავტომობილების ს ი გ ნ ა ლ ი ა! აი, დილით, ჩემი სახლიდან ცოტა მოშორებით მდებარე მარკეტში წავედი მ ა ნ ქ ა ნ ი თ... სხვა დროს ფეხით მივდივარ ხოლმე, ახლა ს ი ც ი ვ ი ს გამო მანქანა გამოვიყენე. ამით იმის თქმა მინდა, რომ მანძილი არც ისე შორია, ფეხით მიდი-მოდის მაქსიმუმ 20 წუთი უნდა... ჰოდა, აი, ამ სავალზე, მინიმუმ რ ვ ა სხვადასხვა მანქანამ დამისიგნალა აბსოლუტურად უმარტივეს სიტუაციებში. რიგ შემთხვევებში, ისედაც ვიზამდი იმას, რასაც ჩემგან სიგნალით "მოითხოვდნენ" და უმეტესად, უბრალოდ ვერ გავიგე რატომ აძლევდნენ სიგნალს, რას უნდოდათ? ჰოდა, უცებ დავფიქრდი - მანქანის სიგნალი, ანუ "პიპინი" ქართველებისთვის ერთგვარი ს ა კ რ ა ლ უ რ ი მნიშვნელობისაა თავიდანვე! აბა, დაუკვირდით, მსოფლიოში რომელიმე სხვა ქვეყნის ბ ა ვ შ ვ ე ბ ი ეძახიან ავტომობილს "პ ი პ ი ა ს"? არა! "ტაჩკა" "ფურა" "კალიოსკი" და ა.შ. ანუ რაღაც გადაადგილების საშუალებასთან ასოცირდება მანქანა! აი, ქართველი ბავშვი კი, რომ ჩაგიჯდება მანქანაში, წავიდეთ გავისეირნოთო კი არ გეტყვის, არამედ - "დ ა მ ა პ ი პ ი ნ ე ბ ი ე ო!" - გთხოვს აუცილებლად! თამაშის დროსაც, ქართველი ბავშვი დაატარებს ხელით თავის სათამაშო მაქანას და გაიძახის "პიპიიიი პიპიიიი" ანუ ავტომობილი პირველ რიგში რატომღაც "პიპინთან" ასოცირდება და არა სადმე წასვლა-წამოსვლასთან... მართლა არ მახსენდება, რომელი ხალხი მსოფლიოში ავტომობილს მოფერებით სახელად "პიპიას" ეძახდეს... ჰოდა, აკი, თქვა კიდეც ე გ ზ ი უ პ ე რ მ ა - ყველანი ჩვენი ბავშვობიდან მოვდივართო! აი, ასე, მოვდივართ და "მოვაპიპინებთ" ქართველები ჩვენს ბავშვობაში ნაოცნებარ "პიპიებს"... შეიძლება ყველამ ზუსტად ის "პიპია" ვერ შევიძინეთ, რომელიც გვსურდა, მაგრამ მაინც ხომ "პიპიაა"? მაშ, რა აზრი აზრი აქვს ბავშვობაში ამდენ საკუთარი ხმით "ნაპიპინებს" თუ ეს ბავშვობის დროინდელი "პიპინის" დაუოკებელი სურვილი ჩვენს უკვე "მართალ პიპიებზე" არ ავისრულეთ???? ამიტომაც, ვაპიპინებთ და ვაპიპინებთ ქართველები ყველგან, ყოველთვის, მუდამ, განუწყვეტლივ! წითელ შუქნიშანზეც კი, რომ ვდგავართ, მაინც ვაპიპინებთ... ვინც არ გვიცნობს ქართველებს, ეს პიპინი აგრესიის გამოხატულება ჰგონია და უკვირს... მაგრამ სინამდვილეში ეს ჩვენთვის უბრალოდ ჩვენს ბავშვობაში დაბრუნება, გართობა და უწყინარი თამაშია... დ ი ლ ა პ ი პ ი ი ი ი პ მ შ ვ ი დ ო ბ ი ს ა ქართველებო!"წერს სოციალურ ქსელში ჟურნალისტი და ბლოგერი ბაკურ სვანიძე  ასევე იხილეთ344 2-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
