ფრანგულ სოციალურ ქსელებში ხმები ვრცელდება, რომ ქვეყნის ამჟამინდელი პრეზიდენტის ცოლი ბრიჟიტ მაკრონი ტრანსგენდერია, ანუ მამაკაცად დაიბადა და სქესის შეცვლის ოპერაცია გაიკეთა. მის ნამდვილ სახელსაც კი ასახელებენ, სავარაუდოდ ერქვა - ჟან-მიშელ ტრონიე.

თავად პირველი ლედი კატეგორიულად უარყოფს მსგავს სპეკულაციას და როგორც BFM TV იუწყება, მის გარემოცვაზე დაყრდნობით, აპირებს უჩივლოს იმათ, ვინც ამგვარ ჭორებს ავრცელბს. ექსპერტები ამბობენ, რომ ის, რაც სოციალური ქსელების ფრანგულ სეგმენტში ხდება, დაგეგმილ აქციას ჰგავს.

ერთი კვირის წინ გამოჩნდა პირველი ცნობები, რომ ბრიჟიტი ოდესღაც ჟან-მიშელი იყო, ასეთი პუბლიკაციების რაოდენობა გეომეტრიული პროგრესით გამრავლდა, თითქოს ვინმე კომპეტენტურად მუშაობდა ამ თემის პოპულარიზაციაზე. არანაირი მტკიცებულება არ არსებობს, მაგრამ მაკრონის მხარდამჭერები ულტრამემარჯვენე აქტივისტების მიმართულებით იშვერენ თითს, რომელთაგან ბევრი აქტიურად პოსტავს მსგავს პუბლიკაციებს.

საფრანგეთში საპრეზიდენტო არჩევნები გაზაფხულზე გაიმართება და, როგორც ჩანს, ელისეის სასახლის ამჟამინდელი მფლობელის მთავარი კონკურენტები სწორედ მემარჯვენე პოზიციებითა და ლოზუნგებით მომავალი კანდიდატები გახდებიან.

ამჯერად საარჩევნო რბოლაში არა მხოლოდ პარტია "ეროვნული ერთიანობის" ლიდერი მარინ ლე პენია, რომელთანაც მაკრონი 4 წლის წინ არჩევნების მეორე ტურში იბრძოდა, არამედ უფრო მკვეთრად მემარჯვენე პოლიტიკოსი ერიკ ზემურმაც, რომელმაც უკვე მოიპოვა მეტსახელი "ფრანგული ტრამპი".რადგან მისი მიზანია მიგრანტების გაძევება. ამიტომ გასაკვირი არ არის, თუ მაკრონისა და მისი პოლიტიკის ერთ-ერთმა აქტიურმა ოპონენტმა გადაწყვიტა შავი პიარის მექანიზმების გამოყენება.

მით უმეტეს, ყველამ ვიცით, რომ საფრანგეთის ამჟამინდელი პრეზიდენტი და მისი მეუღლე, რბილად რომ ვთქვათ, თავისებური წყვილია. ბრიჯიტი 24 წლით უფროსია ქმარზე და იყო მისი მასწავლებელი საშუალო სკოლაში. ამავე დროს, როგორც ჩანს, მათ შორის კავშირი სწორედ მაშინ დაიწყო.

ლეგენდის თანახმად, როდესაც მომავალი პრეზიდენტის მშობლებმა შეიტყვეს ყველაფერი და ყოველგვარი ზედმეტი სკანდალების გარეშე, სხვა სკოლაში გადაიყვანეს ბიჭი, იგი საყვარელ მასწავლებელს დაემშვიდობა და დაჰპირდა, რომ აუცილებლად დაქორწინდებოდა მასზე.