x
მეტი
  • 10.12.2022
  • სტატია:124233
  • ვიდეო:355556
  • სურათი:496976
სად მიჰქონდა სტალინს მილიონიანი ჰონორარები

image

მიუხედავად იმისა, რომ საბჭოთა ბელადის მოძულეები სტალინს უამრავ ცრუ ბრალდებას უყენებენ და მის ლაფში ამოსვრას ცდილობენ, ისინიც კი აღიარებენ, რომ ამ ვეებერთელა ძალაუფლების მქონე ადამიანს, პირადი საკუთრება, ფაქტობრივად, არ გააჩნდა და ყველა მისი ნივთი სახელმწიფოს ეკუთვნოდა...

ისტორიულ მეცნიერებათა დოქტორი ინოკენტი ბოროვსკი წერს: „იოსებ ბესარიონის ძე სტალინი იყო ის ადამიანი, ვისაც კაცობრიობის ისტორიაში მოღვაწე მმართველებს შორის ყველაზე დიდი ძალაუფლება ჰქონდა. ამაში საბჭოთა ბელადს ვერც მაკედონელი შეედრებოდა, ვერც ნაპოლეონი, ვერც ჰიტლერი და ვერც სხვა ცნობილი მმართველები.

იმავდროულად, ყველა ზემოჩამოთვლილ მმართველს სიკვდილის შემდეგ უზარმაზარი ქონება დარჩათ, რაც მათ თავიანთი მოღვაწეობის პერიოდში მოიხვეჭეს. სტალინს კი არანაირი პირადი ქონება არ ჰქონია და ერთადერთი პირადი ნივთი, რაც მხოლოდ მას ეკუთვნოდა, იყო მისი მეუღლის, ნადეჟდა ალილუევას ფოტო, რომელზეც ეწერა: „ძვირფას, საყვარელ იოსებს, ნაზად მოყვარული მეუღლისგან. 20 მაისი, 1931 წელი“.

ეს ფოტო სტალინს კიტელის გულის ჯიბეში ედო და მუდამ თან ატარებდა. დიდ ინტერესს იწვევს საბჭოთა ბელადის, ეგრეთ წოდებული, პირადი ნივთების ნუსხა, რომლებიც სინამდვილეში სახელმწიფოს ეკუთვნოდა და არა სტალინს.

სტალინის დაცვის ყოფილი უფროსი, ნიკოლაი ვლასიკი წერდა: „სტალინი 1953 წლის 5 მარტს გარდაიცვალა. ბერიას განკარგულებით, იმავე საღამოს განხორციელდა სტალინის აგარაკის შემოწმება და პირადი ნივთების აღწერა. საგულისხმოა, რომ სტალინს 4 ცალი შარვალი, 6 ცალი კიტელი, 2 წყვილი ჩექმა ჰქონდა გარდერობში და ყველა მათგანს სახელმწიფო შტამპი ერტყა. ეს კი იმას ნიშნავდა, რომ ეს სამოსი სახელმწიფოს კუთვნილება იყო და არა პირადად სტალინის.

მეტად საგულისხმოა ის ფაქტი, რომ შარვლები და კიტელებიც საკმაოდ გაცვეთილი იყო და რამდენიმე მათგანი დაკემსილიც კი... აღმოჩნდა, ასევე, სამი ჩიბუხი და მათაც სახელმწიფო შტამპი ერტყა. საწერი მაგიდის უჯრაში შემნახველი სალაროს წიგნაკი იპოვეს, რომლის მიხედვითაც სტალინის ანგარიშზე 900 მანეთი ირიცხებოდა.

სტალინს საბჭოთა კავშირში ყველაზე დიდი ხელფასი – 10 ათასი მანეთი ჰქონდა. ამ ფულიდან იოსებ ბესარიონოვიჩი 300 მანეთს პარტიული გადასახადის ფონდში რიცხავდა, დანარჩენი თანხით კი ხან ვის ეხმარებოდა და ხან – ვის.

ბელადის კუთვნილი ხელფასის ნაწილით საბავშვო სახლებისთვის საჭირო ნივთებს ყიდულობდნენ. ნიშანდობლივია ის, რომ ამის აფიშირება არ ხდებოდა. საკმაოდ ხშირად ჩუქნიდა სტალინი საჩურებს თავისი დაცვის თანამშრომლებს თუ მოსამსახურე პერსონალს, ასევე მათი ოჯახის წევრებს – მეუღლეებსა და ბავშვებს.

საგულისხმო ფაქტია ის, რომ სტალინის ნაშრომებს დიდი ტირაჟებით ბეჭდავდნენ როგორც საბჭოთა კავშირში, ასევე საზღვარგარეთ. ამიტომ ბელადს მილიონიანი ჰონორარები ერიცხებოდა როგორც მანეთებში, ასევე ვალუტით. მთელი ეს ფული სტალინს სახელმწიფო ბიუჯეტში გადაჰქონდა და პირადად ერთ კაპიკსაც კი არ იტოვებდა.

ასევე, არ ინახავდა ნაჩუქარ ნივთებსაც და ყველა მათგანს სახელმწიფო საცავში გზავნიდა. არადა, ბელადს უცხოელი სტუმრები ძალიან ძვირფას საჩუქრებს უძღვნიდნენ. საინტერესოა ისტორია ჩერჩილის მიერ ნაჩუქარ ჩიბუხზე. 1942 წლის 12 აგვისტოს მოსკოვში მყოფი ბრიტანელი პრემიერი უინსტონ ჩერჩილი სტალინს კრემლში შეხვდა. ამ შეხვედრას ესწრებოდა შეერთებული შტატების ელჩი ჰარიმანიც. იმ საღამოს ჩერჩილმა სტალინს „დანჰილის“ ფირმის ჩიბუხი აჩუქა. გავიდა სამი წელი, ომი დამთავრდა და გამარჯვების დღისადმი მიძღვნილ ბანკეტზე კრემლში ამერიკის შეერთებული შტატების ელჩი ავერელ ჰარიმანიც იმყოფებოდა. სტალინს ჩერჩილის ნაჩუქარი ჩიბუხი თან ჰქონდა და აბოლებდა. ჰარიმანი ღიმილით უცქერდა სტალინს და უთხრა:

– ბატონო სტალინ, ალბათ, ძალიან სასიამოვნოა ამ ჩიბუხით თამბაქოს მოწევა?

– დიახ, ბატონო ელჩო, რაც მართალია, მართალია, ბრიტანელებმა ჩიბუხის დამზადება იციან და ბატონი ჩერჩილის მიერ ნაჩუქარ ჩიბუხს, უკვე მესამე წელია, ვიყენებო, – მიუგო სტალინმა.

ამერიკის ელჩს გაეცინა და სტალინს უთხრა:

– ეს არცაა გასაკვირი, ასეთ ჩიბუხებს ცალობით ამზადებენ და მათი ფასი 120 ათასი გირვანქა სტერლინგია. თქვენი ჩიბუხიც სპეცშეკვეთითაა დამზადებული.

სტალინმა კოპები შეკრა და ჰარიმანისთვის პასუხი აღარ გაუცია. ბანკეტის დამთავრების შემდეგ კი პირადად მე დამავალა, გამერკვია ჩიბუხის ფასი და როდესაც მას ჰარიმანის ნათქვამი დავუდასტურე, სტალინმა ბრძანა, რომ ჩიბუხზე სახელმწიფო შტამპი დაერტყათ და სპეციალურ ნუსხაში შეეტანათ.

მართალია, მას ეს ჩიბუხი თან ჰქონდა, მაგრამ იშვიათად იყენებდა და ხუმრობით ამბობდა: როდესაც ამ ჩიბუხს ვაბოლებ, გაქსუებულ ბურჟუად ვგრძნობ თავს, მეუხერხულებაო. ეს ჩიბუხი ამჟამად სტალინის მუზეუმ-აგარაკზე უნდა იყოს, კუნცევოში.“

ფაქტია, რომ იოსებ სტალინი ასკეტივით ცხოვრობდა – არანაირი საბანკო ანგარიშები თუ ძვირფასეულობა არ გააჩნდა და სხვა კოლეგებისგან განსხვავებით, სიმდიდრისადმი მიდრეკილება არ ჰქონდა. ეს ფაქტი კი მხოლოდ და მხოლოდ იმაზე მეტყველებს, რომ საბჭოთა ბელადი მთელი არსით სახალხო მმართველი იყო, კრიტიკულ სიტუაციებში არსად გაქცევას არ აპირებდა და ზოგიერთი ძველი ბოლშევიკივით უცხოური პასპორტები, ფული და ოქრო არ ჰქონდა მომარაგებული."

წყარო: სოციალური ქსელი - იოსებ სტალინი/Joseph Stalin

6
1079
1-ს მოსწონს
ავტორი:თამილა გურაშვილი
თამილა გურაშვილი
1079
  
2021, 23 დეკემბერი, 9:28
რატო არ უნდა დაიდოს ასეთი სტატიები ანდაც,თუ ვინმეს უნდა პოპულარიზაცია სტალინის ან ნებისმიერის,რატო უნდა შეუზღუდოს გაუგებარია. ვიღაცას მოსწონს და ვიღაცას არა,მაგრამ ისტორიის ნაწილია და ისტორია არ უნდა გაყალბდეს. თუნდაც ფაშისტების ყველა სიმბოლიკა რო აკრძალულია,რატო უნდა იყოს აკრძალული გაუგებარია. 88 გამო თბილისი დინამოც კი დააჯარიმეს და ეს დისკრიმინაცია არ არის?

რაც შეხება სტალინს,არ მომწონს არც მისი იდეოლოგიური შეხედულებები და არც მისი მხედარმთავრული ნიჭით ვარ აღტაცბული,მაგრამ იმ პერიოდის გამორჩეული პერსონა იყო. ბევრი ადამიანი დახოცა ზოგი უსამართლოდ და ზოგიც სამართლიანად,რა აშშ ან ბრიტანელებს ნაკლები ყავთ ნახოცი და გაუბედურებული. რაც შავკანიანებს დამართეს ამერიკელებმა,არც იკადრებდა სტალინი მაგას,თან სტალინი რასისტი არ იყო. ისტორიის ერთი მხრიდან სწავლება რა უბედურება არის,თუ ამბობენ სტალინზე ტირანი იყოო,მაშინ სხვების "დიადი" ისტორიებიც არ უნდა დაგვავიწყდეს.

რაც შეხება ილიას მკვლელობას,სოციალ-დემოკრატებმა მოკლეს და მიზეზებზე დაწერეს უკვე. სადღაც ამოვიკითხე სტალინის და ბერიას დიალოგზე,სტალინს უკითხავს,ვინ უფრო დიდი პიროვნება იყო,მე თუ ილიაო. ბერიას უთქვამს,თქვენ ამხანოგო სტალინ... ხოდა ჩიბუხი ჩაუფერფლია ბერიას თავზე და უთქვამს,ილიას შეეძლო მსოფლიო ემართაო,ხოლო მე ერთი პატარა საბჭოთა კავშირის მართვას ვახარჯავს მთელ ენერგიასო. აქედანაც კარგად ჩანს მისი დამოკიდებულება ილიაზე,არადა იდეოლოგიურად საპირისპირო მხარეს იდგა. რაც შეეხება მიწებს და ჩვენს ოკუპაციას,ეგ კუანა ჟორდანიას და მისი მთავრობის დამსახურება არის,ვიდრე სტალინის. წაიკითხეთ ესეთი წიგნია,1921 წელი ქვია სათაურად და იქ არის მოთხორობული ჟორდანიას საქმენი საგმირონი. როგორ არ აკარებდა მაზნიაშვილს და კვინიტაძეს თავდაცვით ჯარებს,მერე როცა დასჭირდა,თუ როგორ უხმეს. პრობლემა ქართველს ერშია და არა სტალინში. რამდენი კაცი ებრძოდა რუსებს 1921 ან 1924 რამდენი კაცი ამოუდგა მხარში ქაქუცას,მერე აღარ აგინებ სტალინს. 700000 კაცი წავიდა ომში და მაგის მეოთხედს რო ებრძოლა დამოუკიდებლობისთვის,მაშინ ჩალა გამოვლებული დარცებოდა სტალინი.ეხლაც ეგრეა,იმდენად არიან ჩაციკლულები სტალინის სიძულვილში,რომ ეს გონიათ პატრიოტობა. რატო ვართ ოკუპირე
2021, 22 დეკემბერი, 15:36
კომენტარი ცარიელია ან წაშლილია

პასუხი დათიკო48-ის კომენტარზე
2021, 22 დეკემბერი, 11:36
შენ რეალური ისტორია არ იცი საქართველოსი და მითუმეტეს სტალინის და კიდევ საიდან მოდის და ვინ დააფინანსა ხუთქიმიანი ვარსკვლავი,რატომ მოკლეს ილია ჭავჭავაძე 1907 წლის 12 სექტემბერს,წაიკითხე თუ საიდან მოდის ხუთქიმიანი ვარსკვლავის ისტორია.
2021, 22 დეკემბერი, 3:47
კომენტარი ცარიელია ან წაშლილია

პასუხი დათიკო48-ის კომენტარზე
2021, 22 დეკემბერი, 0:17
თამილა გადახედე რეალურ ისტორიას და შემდეგ შეეშვები სტალინის ქება-დიდებას,ჯერ 1937-ში დახვრეტილი ქართველები გაიხსენე,შემდეგ 1945-ში ომის დამთავრების დროს თურქეთმა გაიყვანა თურქ-სელჯუკები ტაო-კლარჯეთიდან ლაზეთიდან რომ დაებრუნებინა ქართული მიწა-წყალი,რაზედაც მაგ არაკაცმა უარი თქვა,დაყო საქართველო ავტონომიებათ და შექმნა სამხრეთ ოსეთი,აზერებს აჩუქა ჰერეთი,სომხებს ლორე,ამიტომ უნდა იკითხო რეალური ისტორიული ფაქტები,აღარაფერს ვამბობ სოჭზე.
2021, 21 დეკემბერი, 22:35
ადამიანის ქცევას და მის მიდრეკილებებს განვლილი ცხოვრება განსაზღვრავს. იმდენი გადასახლებები და იმდენი სირბილი უწევდა,მიჩვეული იყო მცირედით კმაყოფილებას და თავის გატანას. ყველა სხვა მმართველთა უმრალვესობას კარგი ცხოვრება და მემკვიდრეობა ქონდა,რაც სტალინს არ გააჩნდა. ის იყო ღარიბი ოჯახიდან და ღარიბულ ცხოვრებას იყო მიჩვეული. 40 წელი რო ასე იცხოვრებ,მერე ვერ და არ გახდები მფლანგველი ან მომხვეჭველი. ამას დამატებული იდეოლოგია და ამ იდეოლოგიის რწმენა. ყველა მმართველი ტირანი იყო,ზოგი მეტად და ზოგიც ნაკლებად,მაგრამ სტალინი გამორჩეული იყო,როგორც ასეთი ქცევებით,ისე სისასტიკითაც. წარმოიდგინეთ,თავის თანამებრძოლ ტროცკის სამხრეთ ამერიკამდე სდიეს მისი დავალებით და იქ მოკლეს. ყოველთვის აქვს მნიშვნელი როგორ გამოიყენებს ადამიანი ცოდნას და ნიჭს,სტალინმა ბევრ ცუდ რამეში გამოიყენა ეს ნიჭი,არადა ნიჭიერი კი იყო.
0 1 6