დღეს, 13 დეკემბერს კი იოსებ გოგაშვილმა ფეისბუქის გვედზე გამოაქვეყნა შემდეგი სახის სტატუსი ვიდეოთი.

"ისტორიული დღე გვაქვს ქიზიყში!დღეს ზემო მაჩხაანში ეკურთხა იოსებ არიმათიელის სახელობის ტაძრის საძირკველი. მეუფე დიმიტრის კურთხევით ეს ლოცვა აღავლინა მამა ნიკოლოზმა, მამა გიორგიმ და მამა ლევანმა, მირზაანის დედათა მონასტრის დედებთან ერთად.

პეტრემ სურვილი დაწერა და საძირკველში ჩააყოლა. აი სურვილი: “უფალო, შემისრულე ეს სურვილი.მე მინდა სულ ბედნიერი, ჯანმრთელი ვიყო და მინდა რო დაგვიბრუნდეს აფხაზეთი და სამაჩაბლო”

"იოსებ არიმათიელის ისტორია ალბათ ყველა ქრისტიანისთვის ცნობილია. ადამიანი, რომელმაც ქრისტეს ჯვარცმული სხეული გამოისყიდა პილატესგან და დაასვენა აკლდამაში. ის იოსებ მართალის სახელითაა ცნობილი.

წლების განმავლობაში ჩვენ ასე ვიცოდით რატომღაც, რომ არმათიონის აღმართზე მდებარე ეკლესია იყო იოსებ არიმათიელის სახელობის.

შემდგე, როცა წამოვიზარდეთ და გავიგეთ ის იყო წმინდა გიორგის სახელობის ტაძარი, მაგრამ ჩვენ რაღაცნაირად მიჩვეული ვიყავით, თითქოს ჩვენ გვქონდა არიმათიელის სახელობის ტაძარი.

რამდენიმე წლის წინ პატრიარქთან შეხვედრის დროს მე მას ეკლესიის მშენებლობის ინიციატივა გავაცანი.მას ძალიან გაუხარდა, რადგა ეკლესიის აღმშენებლობის და ქრიტიანობის გაძლიერების საკითხი მას ყოველთვის ახარებს.

შემდეგ ამაზე საუბარი გვქონდა მეუფე დიმიტრისთან, მეუფე სვიმიონთან, მეუფე იაკობთან.მეუფე დიმიტრის ლოცვა კურთხევით გადაწყდა, რომ აშენებულიყო ამ ფორმით ეს ეკლესია არის ქაშუეთისა და სამთავრისის ტაძრების ასლი, არქიტექტორი არის პაატა ნუცუბიძე, უწესიერესი კაცი, რომელმაც ეს პროექტი შეადგინა.

ერთიანი ძალებით, ჩვენი სოფლელების, ზემო მაჩხაანელების და არა მარტო, უამრავი უცხო ადამიანი მიკავშირდება და სურვილს გამოთქვამს, რომ მონაწილეობა მიიღოს სხვადასხვა ფორმით. მე იმედი მაქვს, რომ ამ მშენებლობას ბოლომდე მივიყვანთ ერთიანი ძალისხმევით

სიმბოლურია, სიახლეა, ჩვენი სოფელი განებივრებულია ძირძველიძველი ტაძრებით, მთავარანგელოზთა დასის სახელობის ტაძარია ჩვენს სოფელში, არის ყველაწმინდანთა ქართველთა, არის დედაღვთისმშობელი, წმინდა ნინოს აღსადგენი ტაძარი, წმინდა გიორგის კავთის ტაძარი, რომელიც აღსადგენია, წმინდა ფოტინეს, ალავერდის და ეს იქნება კიდევ ერთი მარგალიტი ამ ტაძრებს შორის.

სიახლეა, სიმბოლურია, რომელიც გაახლებს და გააძლიერებს ჩვენს სოფელს, კუთხეს და იმედია, ქვეყანასაც." ამბობს სახალხო პარტიის აღმასრულებელი მდივანი სოსო გოგაშვილი.