ომიკრონის შტამი შეიძლება იყოს ბუნების მიერ შექმნილი ცოცხალი ვაქცინა, განაცხადა ვირუსოლოგმა, რუსეთის მეცნიერებათა აკადემიის წევრმა, ენგელჰარდტის მოლეკულური ბიოლოგიის ინსტიტუტის უჯრედების პროლიფერაციის ლაბორატორიის ხელმძღვანელმა პიოტრ ჩუმაკოვმა.

„ანუ ის ადამიანები, რომლებიც დაავადდებიან და გადაიტანენ კორონავირუსის ამ შტამს, გახდებიან რეზისტენტული დაავადების გამომწვევი ვარიანტების მიმართ“, - ციტირებს მეცნიერი.

ჩუმაკოვის თქმით, ომიკრონის გამოვლენის წყალობით, მსოფლიო შეძლებს დაივიწყოს ჩაკეტვები. თუმცა, ჯერ არ არის ცნობილი, ჩაანაცვლებს თუ არა ეს ვარიანტი კორონავირუსის სხვა შტამებს.

ახალი შტამი B.1.1.529 აღმოაჩინეს ბოტსვანასა და სამხრეთ აფრიკაში 20 ნოემბერს. ის შეიცავს ათობით მუტაციას S- პროტეინში, რომელიც პათოგენს სჭირდება უჯრედების დასაინფიცირებლად.

მკვლევარების აზრით, SARS-CoV-2-ის გენომის მრავალი ახალი ცვლილება მიუთითებს ამ ვარიანტის მაღალ გადაცემაზე და მდგრადობაზე დაავადებულთა და ვაქცინირებულთა დამცავი ანტისხეულების მიმართ, თუმცა, საბოლოო დასკვნების გაკეთება ჯერ ნაადრევია. სავარაუდოდ, B.1.1.529 თავდაპირველად განვითარდა დასუსტებული იმუნური სისტემის მქონე ადამიანში: შიდსით ან აივ ინფიცირებულ ადამიანში.

ჯანდაცვის მსოფლიო ორგანიზაციამ აღიარა ახალი შტამი B.1.1.529 და სახელი „ომიკრონი“მიანიჭა ბერძნული ანბანის მე-15 ასოს მიხედვით. ექსპერტები თვლიან, რომ ეს შტამი შეიძლება შეხვდეს კოვიდგადატანილებს და აცრილ ადამიანებს. სიმპტომებია დაღლილობა, თავის და სახსრების ტკივილი.