დედამიწისკენ მოემართება მკვლელი ასტეროიდი, რომლის ზომა 300 მეტრია, ხოლო ფასი 5 მილიარდი დოლარი

საბუნებისმეტყველო

დედამიწისკენ მოემართება მკვლელი ასტეროიდი, რომლის ზომა 300 მეტრია, ხოლო ფასი 5 მილიარდი დოლარი

2021, 6 დეკემბერი, 11:06

ეიფელის კოშკის ზომის ციურ სხეულს, თუ ის დედამიწაზე ჩამოვარდება, შეუძლია მთელი რეგიონის დამარხვა და ათი კილომეტრიანი კრატერის დატოვება.

პოტენციურად საშიში ასტეროიდი NASA-ს კლასიფიკაციის მიხედვით, სახელწოდებით 4660 Nereus დედამიწას 11 დეკემბერს მიახლოვდება.

50 მეტრზე მეტი დიამეტრის ასტეროიდებს, დედამიწაზე დაცემის შემთხვევაში, შეუძლიათ გამოიწვიონ მსხვერპლი და განადგურება, რადგან ასეთი სხეულების დაცემის კინეტიკური სიჩქარე არის დაახლოებით 100 კილოტონა ტროტილის ეკვივალენტი და უდრის პატარა თერმობირთვული აფეთქებას. რომ აღარაფერი ვთქვათ თერმული, სინათლის ენერგიის გამოყოფაზე და დარტყმითი ტალღის წარმოქმნაზე.

4660 Nereus -მიეკუთვნება დედამიწასთან ახლოს ასტეროიდების ჯგუფს - აპოლონებს, ციური სხეულების ეს კატეგორია მოძრაობის დროს არა მხოლოდ გ დედამიწის ორბიტასთან გაივლის, არამედ კვეთს მას გარედან.

კოსმოსური სტუმარი ჩვენს პლანეტას ამჯერად დაახლოებით ოთხი მილიონი კილომეტრის მანძილზე მიუახლოვდება. ის პირველად 1982 წელს შენიშნეს. კვერცხის ფორმის ასტეროიდის ორბიტალური მოძრაობა, რომელსაც წყლისა და ზღვის ღმერთის, ნერეუსის სახელი უწოდეს საკმაოდ ქაოტურია. ამერიკულმა მედიამ მისი ზომა უკვე შეადარა ეიფელის კოშკს.

-ყველაზე საშიში კილომეტრიანი(ზომაში) სხეულებია. ისინი სულ 900-მდეა, მათ მუდმივად აკონტროლებენ. ისინი გლობალურ საფრთხეს უქმნიან დედამიწას. მათი მიწაზე დაცემის შემთხვევაში ჩვენი პლანეტის ატმოსფეროს მტვრით დაფარავს და დაიწყება ბირთვული ზამთარი. რაც შეეხება 300 მეტრიან ასტეორიდებს, ისინი ადვილად აღწევენ დედამიწის ზედაპირზე და დაცემის შემთხვევაში სხეულის მესამედი ატმოსფეროში იწვება. მათ შეუძლიათ დედამიწაზე დატოვონ კრატერი, რომელიც ასტროიდის ზომაზე ოცჯერ მეტიც შეიძლება იყოს - ხუთი კილომეტრით დაწყებული და მეტი.ხოლო დარტყმის ტალღა ასობით კილომეტრზე გავრცელდება და შეუძლია დამარხოს მთელი შტატი ან რეგიონი - განუცხადა გამოცემა Life-ს ნიკოლაი ჟელეზნოვმა, რუსეთის მეცნიერებათა აკადემიის გამოყენებითი ასტრონომიის ინსტიტუტის უფროსმა მკვლევარმა და პრესმდივანმა.

მან ასევე დასძინა, ჩელიაბინსკის 27 მეტრიაბი ასტეროიდის ატმოსფეროში აფეთქების სიმძლავრე 200 კილოტონას შეადგენდა.

ასტეროიდების დედამიწაზე დაცემა ასტრონომიული სტანდარტებით არც ისე იშვიათია. მათი დაცემის მიზეზი დედამიწის მიზიდულობაა. მაგალითად, არიზონას მეტეორიტის კრატერი 50 ათასი წლისაა, ის 50 მეტრიანი ციური სხეულის ჩამოვარდნის შედეგად ჩამოყალიბდა.

-ყოველწლიურად ათობით ათასი ტონა მეტეორიტი ეცემა დედამიწაზე, საბედნიეროდ, მცირე ისინი მცირე ზომის არიან და არ წარმოადგენს რაიმე სერიოზულ საფრთხეს. მეცნიერებს შეუძლიათ ასეთი დაცემის ადგილის გამოთვლა, თუმცა შეცდომები აქაც არ არის გამორიცხული. მნიშვნელოვანია ტელესკოპების ორბიტაზე გატანა და დაკვირვება- ამბობს ნიკოლაი ჟელეზნოვი.

ასტეროიდი 4660 Nereus - განიხილებოდა კოსმოსურ მისიებში გამოყენებისთვის მისი ზომის, ფორმისა და მზის გარშემო მოძრაობის გამო. მეცნიერები ვარაუდობენ, რომ ციური სხეული მდიდარია რკინის, ნიკელის, კობალტის მარაგებით. თეორიულად, მათი საერთო ღირებულება შეიძლება იყოს დაახლოებით 5 მილიარდი დოლარი.