ფეხბურთი ლიონელ მესი მე-7 ოქროს ბურთის მფლობელი გახდა - რა განცხადება გაავრცელა რონალდუმ? 2021, 30 ნოემბერი, 10:16  ფეხბურთის ყველაზე პრესტიჟული ინდივიდუალური ჯილდოს გადაცემის ცერემონია 29 ნოემბერს პარიზში გაიმართა. მესიმ ჯილდო მეშვიდედ მოიგო და საკუთარი რეკორდი განაახლა.
"ოქროს ბურთს" ჟურნალი France Football-ი ანიჭებს, ხოლო კენჭისყრაში ჟურნალისტები მთელი მსოფლიოდან მონაწილეობენ. ზოგიერთი მედიამ ინფორმაცია არგენტინელის გამარჯვების შესახებ ცერემონიამდე რამდენიმე დღით ადრე გაავრცელა, მაგრამ ინტრიგა მაინც შენარჩუნდა, რადგან მესის ძლიერი კონკურენტები ჰყავდა. გამარჯვებულის შერჩევისას მხედველობაში მიიღება პრეტენდენტების ბოლოდროინდელი მიღწევები. გასულ სეზონში მესიმ არგენტინის ნაკრებთან ერთად პირველ მნიშვნელოვან გამარჯვებას მიაღწია- ამერიკის თასი მოიგო. ის ტურნირის საუკეთესო მოთამაშედ დასახელდა. "ბარსელონას" შემადგენლობაში, თავდამსხმელმა მოიგო ესპანეთის თასი, ხოლო ზაფხულში თავდამსხმელი გახდა პსჟ-ს ფეხბურთელი. კალენდარული წლის განმავლობაში მან 41 გოლი გაიტანა. ჯილდოზე 30 ფეხბურთელი იყო წარდგენილი France Football-მა თანმიმდევრობით დაასახელა იმ ფეხბურთელების ვინაობა, რომლებმაც 30-დან ფინალურ ხუთეულში მოხვდნენ რობერტ ლევანდოვსკი, ჟორჟინიო, კარიმ ბენზემა და ნგოლო კანტე. კენჭისყრაში მეექვსე ადგილზე გასულმა რონალდუ ცერემონიას არ დასწრებია, "ინსტაგრამზე" მან France Football-ის მთავარი რედაქტორი პასკალ ფერეტი სიცრუეში დაადანაშაულა. პორტუგალიელმა უარყო ჟურნალისტის სიტყვები, თითქოს პორტუგალიელის მიზანი იყო, რომ ლიონელ მესისზე მეტი ოქროს ბურთი მიეღო. ფორვარდმა ხაზგასმით აღნიშნა, რომ, უპირველეს ყოვლისა, ორიენტირებულია გუნდურ მიღწევებზე და ასევე, სურს იყოს მაგალითი ახალგაზრდა თაობისთვის. |
|
  |
Intermedia.ge © 2011-2024 წელი
საავტორო უფლებები დაცულია
 |
