უნიკალური არავინაა, ყოველ შემთხვევაში მაშინ, როდესაც საქმე გარეგნობას ეხება. კანადელი ფოტოგრაფი ფრანსუა ბრიუნელი სწორედ ამას ამტკიცებს. მან წლები დახარჯა იმისთვის, რომ ერთმანეთის მსგავსი ადამიანები ეპოვა და ფოტოპროექტი შეექმნა. რაც ყველაზე მთავარია, ეს ადამიანები ტყუპები კი არა ერთმანეთის ნათესავებიც კი არ არიან. მისი ფოტოპროექტი სახელწოდებით «I'm not a look-alike» პირდაპირი მტკიცებულებაა იმისა, რომ სადღაც, მსოფლიოს რომელიღაც კუნჭულში ჩვენი მსგავსი გარეგნობის ადამიანი დადის. საინტერესო ისიცაა, რომ ამ ფოტოპროექტში მონაწილე ადამიანებმა საერთო ენა მაშინვე გამონახეს, ალბათ სწორედ გარეგნობის გამო.