ფეხბურთი სკანდალი ქალთა პსჟ-ში გრძელდება,ჰეირა ჰამრაუიზე თავდასხმაში ერიკ აბიდალის ოჯახია ეჭვმიტანილი 2021, 20 ნოემბერი, 11:35  "ბარსელონასა" და საფრანგეთის ნაკრების ყოფილი ფეხბურთელის, ერიკ აბიდალის მეუღლემ, ჰაიეტ აბიდალმა განქორწინება გადაწყვიტა. დაშორების მიზეზი ქმრის ღალატი პარიზული კლუბის ფეხბურთელთან ჰეირა ჰამრაუისთან გახდა.ეს ის ჰეირა ჰამრაუია, რომელსაც 4 ნოემბერს საღამოს რკინის არმატურით თავს დაესხნენ.(მთავარ ფოტოზე:ჰეირა ჰამრაუი და ჰაიეტ აბიდალი) ჰაიეტის ადვოკატის თქმით, ერიკ აბიდალმა აღიარა, რომ კავშირი ჰქონდა ჰაირი ჰამრაუისთან, რომელიც ქალთა პსჟ-ში თამაშობს. ის განქორწინებაზე განცხადებას ქალაქ ბარსელონაში შეიტანს. ცნობილია, რომ სპორტული კარიერის დასრულების შემდეგ აბიდალი კატალონიის დედაქალაქში ცხოვრობდა და გარკვეული პერიოდი ბარსელონას სპორტულ დირექტორად მუშაობდა. იტყობინება RMC Sport. საფრანგეთისა და ბარსელონას ყოფილი მცველი აბიდალი პსჟ-ს ფეხბურთელ ჰაირი ჰამრაუიზე თავდასხმის ინციდენტზე დაიკითხება. აღნიშნულია, რომ პარალელურად ჰამრაუიზე თავდასხმაში ეჭვმიტანილია ყოფილი ფეხბურთელის მეუღლე.  შეგახსნებეთ, 4 ნოემბერს, ორი უცნობი პირი თავს დაესხა 31 წლის სპორტსმენს, რა დროსაც ქალს ფეხებში რკინის არმატურა ურტყეს.  უპირველესი ეჭვმიტანილი გახდა მისივე თანაგუნდელი ამინატა დიალო. ვარაუდობდნენ, რომ დიალოს მიზანი იყო, რომ ამ გზით ჩამოეშორებინა კონკურენტი ძირითად შემადგენლობაში ადგილისთვის.აღსანიშნავია, რომ მუქარის შესახებ პარიზული გუნდის სხვა ფეხბურთელებმაც განაცხადეს. დიალოს დაკავების შემდეგ პსჟ-მ მომხდარის შესახებ განცხადება გაავრცელა. კლუბმა დაადასტურა, რომ გოგონა თანაგუნდელზე თავდასხმის გამო დააკავეს და დაგმეს ყოველგვარი ძალადობა. ფრანგული გრანდის პრესსამსახური ირწმუნება, რომ კლუბი ყველა ღონეს გამოიყენებს, რათა უზრუნველყოს ყველა ფეხბურთელის უსაფრთხოება და ასევე დაეხმარება გამოძიებას. მომხდარს საფრანგეთის ფეხბურთის ფედერაციის პრეზიდენტი ნოელ ლე გრაე გამოეხმაურა. მან აღიარა, რომ შოკირებულია დიალოს წინააღმდეგ შესაძლო ბრალდებებით და ვერ იჯერებს მომხდარს. „ეს ეჭვები წარმოუდგენელია. ორივე სპორტსმენს ვიცნობ. შოკირებული დავრჩები, თუ ეს ამბავი სიმართლე აღმოჩნდება."-აღნიშნა მან. დიალო ვერსალის რაიონის პოლიციამ 10 ნოემბერს დააკავა.თუმცა როგორც ახლა ჩანს, გამოძიება ამჯერად სულ სხვა მიმართლებით წავიდა.  ასევე იხილეთ     206 5-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
