20 ნოემბერს, პოტენციურად საშიში ასტეროიდი დედამიწას მოუახლოვდება. ამის შესახებ NASA-ს პორტალზე დედამიწასთან ახლოს მდებარე ობიექტების კვლევის ცენტრი იტყობინება.
კოსმოსური ობიექტი, სახელად 2016 JG12, ჩვენი პლანეტიდან 5, 5 მილიონი კილომეტრის მანძილზე ჩაივლის. ციური სხეულის სიჩქარე იქნება 7, 48 კმ/წმ, ზომა 83-დან 190 მ-მდე.პირველად ობიექტი 2016 JG12 კოსმოსში 2016 წლის 3 მაისს აღმოაჩინეს.
მანამდე კირილ მასლენნიკოვმა, რუსეთის მეცნიერებათა აკადემიის პულკოვოს ასტრონომიული ობსერვატორიის თანამშრომელმა, კომენტარი გააკეთა 2021 UL17 ასტეროიდის დედამიწასთან მიახლოების შესახებ. მისი თქმით, ობიექტი საშიშად ითვლება, თუ ის დედამიწის ორბიტას 7, 5 მილიონ კილომეტრზე ნაკლებ მანძილზე მოუახლოვდება, ხოლო, სხეულის დიამეტრი 100 მეტრზე მეტი იქნება.
