ბანკის მძარცველის ვინაობა მხოლოდ მისი გარდაცვალების შემდეგ დაადგინეს

სისხლის სამართალი

ბანკის მძარცველის ვინაობა მხოლოდ მისი გარდაცვალების შემდეგ დაადგინეს

2021, 15 ნოემბერი, 18:35

მოლარემ, რომელმაც ბანკიდან უზარმაზარი თანხა მოიპარა, ნახევარი საუკუნე იცოცხლა და ვერავინ ვერ იცნო.

1969 წლის 11 ივლისი კვირის ბოლოს, პარასკევ დღეს მოუწია. ქალაქ კლივლენდის ბანკის 20 წლის მოლარემ თეოდორ კონრადმა, (Theodore Conrad) კოლეგებს კარგი უქმეები უსურვა, დატოვა ბანკის შენობა სადაც მუშაობდა და ამის შემდეგ აღარც არავის უნახავს.

კონრადმა არაერთხელ ეუბნებოდა თავის მეგობრებს, რომ თაყვანს სცემდა სტივ მაკქუინის ფილმს "თომას კრაუნის საქმეს" (The Thomas Crown Case )ამ სურათის მთავარი გმირი მილიონერია, რომელმაც გაძარცვა ბანკი სპორტული ჟინის გამო. თუმცა ამას არავინ აქცევდა ყურადღება, თუნდაც იმის შემდეგ, როდესაც კონრადმა თქვა, რომ თავადაც არ იყო წინააღმდეგი ასეთი მეთოდით ეშოვა ბევრი ფული.

მოლარე სამსახურში არც ორშაბათს და არც სამშაბათს არ გამოჩენილა. სეიფების აუდიტმა ყველაზე ცუდი ეჭვები დაადასტურა - ბანკიდან 215 000 დოლარი გაქრა (დღეის კურსით, ინფლაციისა და მსყიდველობითი უნარის ინდექსის ცვლილების გათვალისწინებით, ეს თანხა 1 700 000 დოლარი იქნებოდა).

თეოდორ კონრადი გახდა ამერიკის ერთ-ერთი ყველაზე ძებნილი კრიმინალი. მაგრამ FBI-მ ვერასდიდებით შეძლო მის კვალზე გასვლა.

საქმე გაუხსნელი დარჩა 2021 წლის ნოემბრამდე, როდესაც აშშ-ს მარშალების სამსახურმა დაადგინა, რომ კონრადი ცხოვრობდა რენდალის გვარით ლინფილდში, მასაჩუსეტსი, ბოსტონიდან ჩრდილოეთით 26 კილომეტრში.

კონრადი გარდაიცვალა ფილტვის კიბოთი 2021 წლის 18 მაისს. 71 წლსი ასაკში.სიკვდილის სარეცელზე მიჯაჭვულმა მან ოჯახს თავისი ნამდვილი ვინაობა გაუმხილა. მხოლოდ მას შემდეგ, რაც თომას რენდალი, რომელიც სიკვდილამდე ცოტა ხნით ადრე გაკოტრდა, გარდაიცვალა ფილტვის კიბოთი მასაჩუსეტში, გაირკვა, რომ რენდალი და კონრადი ერთი პიროვნება იყო.

პათოლოგიური გამოკვლევამ საბოლოოდ მოახდინა მისი იდენტიფიცრება.

გარდაცვლილის მეზობლებმა თქვეს, რომ მთელი ამ ნახევარი საუკუნის განმავლობაში რენდალი მასაჩუსეტში ცხოვრობდა, განსაკუთრებული ყურადღების მიქცევის გარეშე. ბედის ირონიით, მისი სახლი მდებარეობდა იმ ადგილის მახლობლად, სადაც "The Thomas Crown Case" იყო გადაღებული. კონრადის ძებნა არასოდეს შეწყვეტილა. FBI-ის აგენტებმა მთელი ქვეყანა მოიარეს, ჰავაისაც კი ესტუმრნენ, მაგრამ კრიმინალის ამოცნობა მხოლოდ მისი გარდაცვალების შემდეგ გახდა შესაძლებელი.