x
მეტი
  • 29.03.2024
  • სტატია:134052
  • ვიდეო:353919
  • სურათი:508250
კოსმეტიკური პროდუქტები, რომლებიც სინამდვილეში ფულის ფუჭი ფლანგვაა

ბევრი ქალის გატაცებაა კოსმეტიკური პროდუქტების შეგროვება და შემდეგ დახარისხება. ყოველ წელს რაღაც ახალი შემოდის ბაზარზე, ზოგი მართლა საჭიროა, ზოგიც უბრალოდ მარკეტინგული ხრიკია. წარმოგიდგენთ პროდუქტებს, რომლებიც ამ შავ პარასკევს თუ ვერ იყიდეთ, არაფერი დაშავდება.

1. ნეფრიტის როლერი

ნეფრიტი ჩინეთში ჯერ კიდევ ძინის დინასტიის დროს გამოიყენებოდა. ჩინელებს სჯეროდათ, რომ ნეფრიტს აქვს დამამშვიდებელი და სამკურნალო თვისებები. 2018 წელს ამგვარი როლერების ვიდეოები პოპულარობის პიკზე იყო. სილამაზის გურუები ამტკიცებენ, რომ ისინი ხელს უწყობენ კანის ტოქსინებისგან გაწმენდას, შეშუპების შემცირებას, ნაოჭების შემცირებას და კოლაგენის გამომუშავების სტიმულირებას. მაგრამ დერმატოლოგები ამბობენ, რომ ასეთი როლერის ერთადერთი პლიუსი არის მასაჟი, რომელიც შეიძლება შესრულდეს სხვა ტექნიკით, სპეციალური მოწყობილობის გამოყენების გარეშე. ამ შემთხვევაში, ის კარგად უნდა გაიწმინდოს, რადგან მასზე გროვდება კანის მკვდარი ნაწილაკები და სხვა ნივთიერებები. ჭუჭყიან როლერს კი შეუძლია პირიქით ავნოს თქვენს კანს.image

2. სახის ნიღაბი “გლითერებით"

ეს ნიღაბი არა მხოლოდ საზიანოა თქვენთვის ან გარემოსთვისაც. მბზინავი ნაწილაკები გამაღიზიანებელია, განსაკუთრებით მგრძნობიარე კანის მქონე ადამიანებისთვის და დერმატოლოგებიც თავიანთ პაციენტებს მათ არასოდეს ურჩევენ. თუმცა, ინსტაგრამის სურათებისთვის ნამდვილად გამოდგება.image

3. პილინგ გელი

პილინგის გელის წასმით, ფაქტობრივად იგრძნობთ, როგორ აშორებს გელი მკვდარ უჯრედებს და სხვა მინარევებს კანიდან. სინამდვილეში, შედეგად მიღებული მასა არის ცელულოზა, რომელიც პროდუქტის ნაწილია. პილინგის გელი რეალურად არ ქერცლავს არაფერს, არამედ ნაზად ასუფთავებს. დერმატოლოგები თვლიან, რომ გელის გამოყენებამდე უნდა მიმართოთ სპეციალისტს, განსაკუთრებით თუ გაქვთ ეგზემა, აკნე, როზაცეა ან კანის სხვა დაავადებები.image

4. ლოკოკინის თერაპია

ბევრი კორეული კანის მოვლის პროდუქტი შეიცავს ლოკოკინას მუცინს. ლოკოკინების მიერ გამოყოფილი ლორწო, სავარაუდოდ, კარგად ატენიანებს კანს. არსებობს სპეციალური პროცედურაც კი - ლოკოკინებით მკურნალობა. ლოკოკინებს ათავსებენ პაციენტს სახეზე და ისინი მასზე ცოცავენ. თუმცა, მკვლევარები ამბობენ, რომ მუცინის სარგებელი უფრო მეტ კვლევას საჭიროებს, სანამ მას ოფიციალურად კანის მოვლის აუცილებელ რუტინაში შეიტანენ.image

5. ხელნაკეთი ნიღბები სახისთვის

ინტერნეტში ბევრი სტატიაა, სადაც ქალბატონები სახლში ნაპოვნი პროდუქტებისგან სახის ნიღბებს იმზადებენ. ზოგი მათგანი სასარგებლოა, ზოგი უსარგებლო, ზოგიც კი საშიში. მაგალითად, არასოდეს გამოიყენოთ წყალბადის ზეჟანგი, ქოქოსის ზეთი ან ფრჩხილის ლაქი ნიღბის დასამზადებლად.image

6. ნახშირის წებოვანი ნიღბები

ნიშბის მოშორებისას, წებომ შეიძლება დააზიანოს თქვენი კანის ზედა ფენა. ეს დაზიანება იწვევს კანის ბუნებრივი ბარიერის შესუსტებას. ბარიერი იცავს კანს გარეგანი გავლენისგან და ხელს უწყობს ტენიანობის შენარჩუნებას, ხოლო დაზიანებისას კანი უფრო მიდრეკილი იქნება ანთებისა და გაღიზიანებისკენ. სინამდვილეში, არსებობს მრავალი სხვა გზა ფორების გასახსნელად და ცხიმის მოსაშორებლად.image

7. თერმული წყალი

მიუხედავად იმისა, რომ თერმული წყალი ძალიან პოპულარულია, მისი სარგებელი არ არის დადასტურებული და ამ პროდუქტს შეიძლება ეწოდოს პრაქტიკულად უსარგებლო. ძირითადი კვლევა ამ წყლის მწარმოებელი კომპანიების მხარდაჭერით განხორციელდა. 2015 წელს ჩატარებულმა კვლევამ აჩვენა, რომ მას შეუძლია ხელი შეუწყოს კანის ქრონიკული ანთებითი დაავადებების მკურნალობას. ამასთან, დერმატოლოგები თვლიან, რომ არ არის აუცილებელი კანის ზედმეტად ხშირად დატენიანება წყლით - ეს, პირიქით, ხელს უწყობს მის სიმშრალეს.
image

8. ინტიმ-გელი

არსებობს მოსაზრება, რომ ინტიმური ჰიგიენისთვის მხოლოდ გარკვეული pH დონის მქონე საპონი უნდა იქნას გამოყენებული. ეს ეფუძნება იმ ფაქტს, რომ ინტიმურ ზონას აქვს მჟავიანობის განსხვავებული დონე, ამიტომ ჩვეულებრივმა საპონმა შეიძლება გამოიწვიოს გაღიზიანება. თუმცა, როდესაც ვსაუბრობთ ამ ტიპის ჰიგიენაზე, ვგულისხმობთ მხოლოდ სხეულის გარეთ მდებარე ორგანოებს, რაც იმას ნიშნავს, რომ ჩვეულებრივი საპონიც შესაფერისია მათი სისუბთავის შესანარჩუნებლად.image

9. ხნა

ბავშვობიდან გვჯეროდა, რომ ხნით თმის შეღებვა სრულიად უსაფრთხოა ჩვენი ჯანმრთელობისთვის. მაგრამ ყველაფერი ასე მარტივი არ არის. ხნა ნამდვილად ბუნებრივი საღებავია კანისა და თმისთვის. მაგრამ ყველა არ არის თანაბრად უსაფრთხო. უმჯობესია მოერიდოთ ე.წ შავ ხნას. ამ საღებავში ქიმიურმა დანამატებმა შეიძლება გამოიწვიოს ალერგიული რეაქციები, დამწვრობა, და მშრალი და მტვრევადი თმა.image

10. იასამნისფერი შამპუნი

ქერა თმის ფერის შესანარჩუნებლად იასამნისფერ შამპუნს იყენებენ. ის ანეიტრალებს სიყვითლეს და ხელს უწყობს ფერის შენარჩუნებას. შამპუნის გარდა, ბაზარზე არის სხვა იასამნისფერი პროდუქტები, როგორიცაა ნიღბები და ბალზამები. თუმცა, თუ ამ პროდუქტებს ყოველდღიურად იყენებთ, მათ შეუძლიათ დააზიანონ თმა და გახადონ თხელი და ცხიმიანი.image








0
74
2-ს მოსწონს
ავტორი:ქეთი1988
ქეთი1988
Mediator image
Mediator image
74
  
კომენტარები არ არის, დაწერეთ პირველი კომენტარი
0 1 0