200-მდე ადამიანმა მიიღო მონაწილეობა მკვდარი ზღვის პირას გამართულ შიშველ ფოტოსესიაში 2021 წლის 17 ოქტომბერს, რომელიც მოეწყო არადის მუზეუმის მხარდასაჭერად. პროექტის ინიციატორი იყო ამერიკელი სპენსერ ტუნიკი. ფოტოგრაფი ცნობილია თავისი შიშველი ფოტოსესიებით, რომლებშიც ასობით და ათასობით შიშველი ადამიანი დგას, ზის ან წევს ქალაქის პეიზაჟების ფონზე. ამ პროექტების მიზანი, როგორც წესი, ქველმოქმედებაა.

მოდელებს მოხალისეებიდან ირჩევენ, ერთადერთი მოთხოვნაა - 18 წელზე მეტი ასაკი. ფოტოგრაფის თქმით, მკვდარ ზღვაზე გადაღებებში მონაწილეთაგან ყველაზე უფროსი იყო 70 წლის, ყველაზე ახალგაზრდა - 19 წლის. ფოტოსესიისთვის მათი სხეული დაფარული იყო თეთრი საღებავით. ეს იყო მინიშნება - მეუღლე ლოტასი, რომელიც მარილის სვეტად გაქვავდა სწორედ მკვდარი ზღვის მახლობლად.

ტუნიკასთვის ახლანდელი ფოტოსესია ისრაელში, უკვე მეორეა. 2011 წელს ფოტოგრაფის გადაღებებში დაახლოებით ათას ორასმა ადამიანმა მიიღო მონაწილეობა. ამ ფოტოსესიის მიზანი იყო ყურადღება მიექციათ მკვდარი ზღვის პრობლემებისთვის. მოხალისეებს იღებდნენ წყალში, ამომავალი მზისკენ მიმართული სახეებით. ეს იყო ერთ-ერთი ყველაზე რეზონანსული პროექტი ტუნიკის კარიერაში. თუმცა, არა ყველაზე მასშტაბური. მაგალითად, 2003 წელს ბარსელონაში მის ფოტოსესიაში მონაწილეობა მიიღო 7 ათას ადამიანზე მეტმა, 2007 წელს კი მეხიკოში - დაახლოებით 18 ათასმა ადამიანმა.

იხილეთ ასევე: