x
მეტი
  • 28.03.2024
  • სტატია:134029
  • ვიდეო:353919
  • სურათი:508243
"ხალხს უყვარს მეფის სიკვდილი, მაგრამ არ უყვარს მეფის მკვლელი" - ნათია ფანჯიკიძე

image

ფსიქოლოგი და ფსიქო-ანალიტიკური ცენტრი "კამარას" დამფუძნებელი ნათია ფანჯიკიძე სოციალურ ქსელში წერს, რომ პირველ რიგში ვინც ექს-პრეზიდენტ მიხეილს სააკაშვილს უნდა გაუფრთხილდეს, ეს ამჟამინდელი ხელისუფლებაა, რადგან მას "რამე რომ დაემართოს, იმ დღეს კი არა, იმ წამს დასრულდება ეს მთავრობა".

"რამე რომ დაემართოს, იმ დღეს კი არა, იმ წამს დასრულდება ეს მთავრობა და გული ძალიან ცოტას დაწყდება ამაზე. ყველაზე დიდი განძი მათთვისაა სააკაშვილის სიცოცხლე. იმედია, გამოცდილებით დასწავლილი ამდენი ლოგიკა და პრაგმატიზმი შემორჩენილი აქვთ. პირველი ორი-სამი წლის შემდეგ, რაც ქვეყნის განვითარების ყველა მნიშვნელოვანი მოლოდინი გაქრა, არცერთი სხვა მიზეზით, მხოლოდ მიშა-მიშას ძახილით იმაგრებენ ტახტს. დაჩოქილი უნდა ეხვეწებოდნენ უკრაინის მთავრობას, მოითხოვონ თავიანთი მოქალაქე და რეანომობილით მიაფრენდნენ უსაფრთხოდ.

ქვეყანამ რომ განმეორებითი უმძიმესი ტრავმა მიიღოს, მაშინ მართლაც ვიხილავთ მათ ბუმბულს, გაშლილს გაფანტულს ველადა. ის ხალხიც კი, ვინც კმაყოფილი იქნებოდა სამართლიანი გასამართლებით და მისჯით, მთავრობის წინააღმდეგ წავა, რადგან "ხალხს უყვარს მეფის სიკვდილი, მაგრამ არ უყვარს მეფის მკვლელი". შესაძლოა, ბევრს წინასაარჩევნო, ამომრჩევლის გრძნობებზე მანიპულაცია ეგონოს შიმშილობის ეს ფაქტი და სჯეროდეს, რომ დრამა გადაჭარბებულია, მაგრამ მერწმუნეთ, ბევრი ადამიანია გარდაცვლილი ასეთ სახიფათო "თამაშში". დაუშვებელია, 1% სიცოცხლის რისკის შექმნაც კი", - აღნიშნავს ნათია ფანჯიკიძე.

2
461
3-ს მოსწონს
ავტორი:არაჩანდა
არაჩანდა
Mediator image
Mediator image
Mediator image
461
  
2021, 27 ოქტომბერი, 0:54
კომენტარი ცარიელია ან წაშლილია

2021, 26 ოქტომბერი, 17:42
მეფე რომელია და მკვლელი რომელი?
0 1 2