ნარკოკურიერი კატა დაიჭირეს, მაგრამ ...
კატა, რომელსაც ყელსაბამზე მარიხუანა ჰქონდა მიმაგრებული, გამოსასწორებელი კოლონიის ტერიტორიაზე შეპარვის მცდელობის დროს დაიჭირეს.
ექსპერტიზამ აჩვენა, რომ მარიხუანა 5.21 გრამს იწონიდა.
შემთხვევა რუსეთში, ივანოვოს ოლქის #4 კოლონიის ტერიტორიაზე მოხდა. სავარაუდოდ კატას მარიხუანა ერთერთ პატიმართან მიჰქონდა.
კოლონიის თანამშრომლებმა მილიცია გამოიძახეს. მაგრამ სამართალდამცველების მოსვლამდე "კუდიანმა დამნაშავემ" გაქცევა მოახერხა. ყელსაბამის შეხსნისას ის კოლონიის თანამშრომლებს ხელიდან გაუსლხტა და გაურკვეველი მიმართულებით მიიმალა.
უფროსობის განცხადებით მოკვლევა ჩატარდება, მაგრამ კატის ძებნას არც აპირებენ, რადგან აზრი არა აქვს. ნივთმტკიცებად კი ყელსაბამი და მარიხუანა დარჩათ.
