პარტია "ნაციონალური მოძრაობის" წევრი მეგი გოცირიძე სოციალურ ქსელში ენმ-ს მხარდამჭერებს ამხნევებს და ყველა მათგანს გაერთიანებისკენ მოუწოდებს. გოცირიძე საკუთარ ფეისბუქპოსტში ასევე იმ "სიურპრიზსაც" აანონსებს, რომლის მოწყობაც პერსონალურად ბიძინა ივანიშვილისთვის ამ დღეებში იგეგმება: "რა ცხვირ_პირი ჩამოგტირით ხალხო, ხომ არ დაგავიწყდათ, რომ მიშაზე მაგარი, მხოლოდ მიშაა მიშა პირადი გადაწყვეტილებით ჩამოვიდა, ჩაჯდა, შიმშილობს, მსოფლიო ყურადღების ცენტრშია და დაასრულებს ქოციანობას საქართველოში ნერვებს გაუფრთხილდით და " მოიხოდეთ", ამ დღეებში ხიხოს სიურპრიზსს მოვუწყობთ... კიდეც გამოვალთ და გოგირდსაც მოვუყრით კოლბასთან მაგ გველს, ვაიძულებთ ბუნაგიდან გამოსრიალდეს ანაკონდა და ჩაგვბარდეს. კაწრო ხომ გახსოვთ? მირო ქავთარაძე არის კაწრო - ბერას უახლოესი და სწორედ მან დაადო ხელბორკილები მიშას, მას შემდეგ, რაც ბიძინამ ქვეყნის დატოვება შესთავაზა მიშას და რაზეც სამ ასოზე გაშვება მიიღო პასუხად..." - წერს მეგი გოცირიძე.