საზოგადოება სილამაზე ღრუბლების თავზე - სალარ დე უიუნი, ბოლივია 2021, 7 ოქტომბერი, 16:37
სალარ დე უიუნი 40 000 წლის წინ მარილიანი ტბა გახლდათ, მოგვიანებით კი დაშრა, მისგან 2 მარილიანი ტბა - პოოპო და ურუ-ურუ დაგვრჩა, ასევე მარილიანი უდაბნოებიც - კოიპისა და უიუნი. 10 588 კვადრატული კილომეტრ ფართობის სალარ დე უიუნი მსოფლიოში ყველაზე მარილიანი უდაბნოა, რომელიც ზღვის დონიდან 3650 მეტრზე მდებარეობს, მასზე არსებული მარილი კი 2-დან 8 მეტრამდე მერყეობს. მის მოსანახულებლად ტურისტები წვიმიან სეზონს ირჩევენ, რადგან ამ დროს ის წყლის თხელი ფენით იფარება და მნახველის თვალწინ დაუსრულებელი სარკე გადაიშლება, მარილიან უდაბნოში წასასვლელად ნოემბრის თვეც მისაღებია, რადგან ამ დროს აქ გასამრავლებლად თავს 3 სახის ფლამინგო იყრის. ადრინდელ პერიოდში ეს ადგილი ნაკლებად პოპულარული იყო, ამის განმაპირობებელი მიზეზი მისი მდებარეობა გახლდათ, თუმცა ნელ-ნელა სალარ დე უიუნი თანამედროვეობის ერთ-ერთ ყველაზე პოპულარულ ადგილად მოგვევლინა. ამის წყალობით, ადგილობრივებმა სასტუმროები არც მეტი არც ნაკლები მარილისგან ააშენეს, რათა მნახველებს ღამე აქვე გაეთიათ და უკან დაბრუნება არ დასჭირვებოდათ. წარმოიდგინეთ, საწოლი, რომელზეც იძინებთ მარილისგან, რომ იყოს გაკეთებული... მართლაც რომ დაუჯერებელია. ზოგადად თქმულა, ბუნება ყველაფერს იბრუნებს, რასაც ქმნისო, ამას აქაც შეხვდებით. მიტოვებული მატარებელი ერთ დროს უსარგებლო ნივთად შემორჩა, რომელიც დახავსებისთვის იყო განწირული, თუმცა დღეს ის ამაყად დგას, მის სანახავად კი ადამიანები მსოფლიოს სხვადასხვა ქვეყნიდან ჩამოდიან.
2006 წელს ადგილობრივმა თვითმმართველობამ რეგიონის 15 წლიანი განვითარების პროგრამა შეადგინა, რისი ერთ-ერთი მთავარი პუნქტიც „მატარებლის სასაფლაოს“ ღია ცის ქვეშ მუზეუმად გადაკეთება იყო. საბოლოოდ, ყველაფრის განხორციელების შემდეგ "სალარ დე უიუნი" ტურისტების საყვარელ ადგილად გადაიქცა... 54 შეფასება არ არის
|