ჭორები იმის შესახებ, რომ 46 წლის ანჯელინა ჯოლი და 31 წლის მომღერალი აბელ ტესფაიე, იგივე The Weeknd, ჯერ კიდევ ზაფხულში აგორდა. წყვილი პაპარაცებმა ერთად დააფიქსირეს არაფორმალურ გარემოში. რამდენიმე დღის წინ, შაბათს მათ სანტა მონიკაში, ერთ-ერთ იტალიურ რესტორანში ერთად 2.5 საათი გაატარეს. რესტორანში ისინი ცალ-ცალკე მივიდნენ, თუმცა ერთად, ერთი მანქანით წამოვიდნენ.
უცნობია რა აკავშირებთ ვარსკვლავებს, თუმცა ინსაიდერების თქმით მათ შორის რომანტიკული არაფერია. აბელს დიდი ხანია კინობიზნესში მოხვედრა სურს და HBO-ს ახალ სერიალში იღებს მონაწილეობას, ამიტომ, თვლიან, რომ მათ უბრალოდ საქმიანი ურთიერთობა აქვთ.
