ფსიქოლოგი ნათია ფანჯიკიძე მარჯანიშვილის მეტროსთან ამღერებული "ლელოს" ლიდერის, მამუკა ხაზარაძის ვიდეოს სოციალურ ქსელში ეხმაურება და საზოგადოებრივი მოძრაობის დამფუძნებელს რეპერტუარს უწუნებს: "თავი სიზმარში მგონია, ხაზარაძე ქუჩაში მღერის სიმღერებს გოგოებზე. მართლა, მართლა, ტრუბადურივით შეყვარებულურ სიმღერებს მღერის, სამშობლო და ბრძოლის ყიჟინა მომესმა კი არაო, ერთი გოგო დამეკარგაო, ჩემიკაი. ახლა ვნახე რეკლამაში. ხოდა, ვისაც გოგო დაჰკარგვია და ვისაც უპოვნია კიდევ, სულყველამ გვერდში მიგულოს. მთლად საჩემო არჩევნები ხდება მგონი, დანარჩენ სისხლების გასხმაზე თუ თვალებს დავხუჭავ" - წერს ნათია ფანჯიკიძე "ფეისბუქის" პირად გვერდზე. შეგახსენებთ, რომ "ლელოს" ლიდერმა, მამუკა ხაზარაძემ, საკუთარი ვოკალური მონაცემების დემონსტრირება მარჯანიშვილის მეტროსთან შეკრებილი საზოგადოების წინაშე მოახდინა. ოპოზიციონერი პოლიტიკოსის მიერ შესრულებულ სიმღერას "დროას" სოციალურ ქსელში მომხმარებელთა მხრიდან დიდი გამოხმაურება მოჰყვა.