სათანადო დაგეგმვისა და კარგი დიზაინის წყალობით, პატარა სახლი შეიძლება საოცრად გამოიყურებოდეს და ამავე დროს ძალიან პრაქტიკულიც იყოს. ეს სწორედ ის არის, რასაც ელი და დენი მადსენების მიერ შექმნილ პატარა სახლებში აღმოაჩენთ Paradise Tiny Homes ვებ გვერდზე. ეს მშვენიერი ნაგებობა, რომლის ზომებია 24’ x 8’ x 14’ და აგებულია ჩვეულებრივ 24 ინჩიან ტრეილერზე. შიდა ინტერიერის ფართი 24 კვ.მ.-ზე ოდნავ მეტს შეადგენს, რაც ნამდვილად არ არის ბევრი, თუმცა, გაოცდებით რამდენად დიდი სივრცის შთაბეჭდილებას ტოვებს ის.

რაც შეეხება ექსტერიერს, პატარა ხის ვერანდა გემბანის სტილში საოცარ იერს მატებს საცხოვრებელს. აქ აღმოაჩენთ პატარა ბარს, ასაწევი ფანჯრით, რომელიც ტენტის ფუნქციას ასრულებს, ორ ბარის სკამს და დამატებით სივრცეს სხვა ავეჯისთვის, როგორიცაა: სავარძელი და პატარა მაგიდა. შიგნით პატარა სამზარეულოა ფართო ფანჯრით, რომელიც სრულად იღება და პირდაპირ ბარის ფანჯრას უყურებს.

მაღალი ჭერი დიდი სივრცის შთაბეჭდილებას ტოვებს. რაც სეეხება იატაკს, პატარა სახლისთვის მისაღები პრაქტიკული ხერხით არის დაგებული. მყუდრო მისაღები ოთახი წარმოდგენილია დიდი მრგვალი ფანჯრით და ელეგანტური სასაუზმო ბარის დახლით, რომელიც მას შუაზე ჰყოფს. ეს ბუნებრივი სინათლის არაჩვეულებრივი წყაროა და ამასთან, საინტერესო და უცხო იერს აძლევს ინტერიერს.

განსხვავებული ფორმისა და ზომის ფანჯრები სტრატეგიულად არის მიმობნეულია პაწაწინა სახლის სხვადასხვა ზონაში

სახლის ინტერიერის ძირითადი ელემენტი დიდი წრიული ფანჯარაა, რომელსაც ბარის დახლი შუაზე ჰყოფს

საძინებელი ზედა სართულზეა რკალისებური ჭერით და ძელებით. კედლებს კი მოგრძო ფორმის ფანჯრები აქვს ჩაყოლებული.

საძინებელში არ არის დიდი სივრცე კარადებისთვის, თუმცა ამ პრობლემის გადაჭრა სათავსოებიანი საწოლის შეკვეთით არის შესაძლებელი.

სააბაზანო პატარაა, მაგრამ საკმარისი სივრცეა პირსაბანის კუთხისა და საშხაპესთვის.

სამზარეულოს ერთ-ერთი დიდი ფანჯარა გარეთ იწევა ვერანდის მხარეს, სადაც ბარია მოწყობილი.

მისაღები ოთახი პატარა და მყუდროა, თუმცა დიდი სივრცის შთაბეჭდილება იქმნება A-ფორმის ჭერის წყალობით.

სააბაზანოში დამონტაჟებულია სამი ფანჯარა – ერთ-ერთი საშხაპეს თავზე, რაც ღი ბუნებრივი სივრცის შთაბეჭდილებას ქმნის.

მიუხედავად იმისა, რომ სახლი პატარაა, მასში ბევრი სახასიათო ელემენტია, არის ძალიან კარგად დაბალანსებული და მოფიქრებული დიზაინი.