x
მეტი
  • 28.03.2024
  • სტატია:134028
  • ვიდეო:353919
  • სურათი:508243
"არ გამოტოვოთ ეს მოვლენა, 12-13 აგვისტოს "ჯადოსნური" ღამეა, ვარსკვლავთცვენაზე ჩაიფიქრეთ სურვილი" - რა უნდა ვიცოდეთ აგვისტოს მნიშვნელოვან თარიღებზე
image


აგვისტო მუდამ მოულოდნელობების თვეა, განსაკუთრებით წლევანდელი. 12 აგვისტომდე მოახერხეთ საქმეების, ურთიერთობების, ცხოვრების რესტარტი. გადადით ჯანსაღი ცხოვრების წესზე. 12-13 აგვისტოს ღამეს, ვარსკვლავთცვენაზე ჩაიფიქრეთ სურვილი. აგვისტო წინა თვეებთან შედარებით მშვიდია, მაგრამ მოვლენებით არანაკლებ დატვირთული.


22 აგვისტომდე მზე ლომის ზოდიაქოშია. მზე თავისი სიძლიერის სახლშია. ლომი არის სიყვარულის, შემოქმედების, თვითრეალიზაციის, შვილების, დღესასწაულების სიმბოლო. ეცადეთ, რომ იყოთ მიზანმიმართული, დაკვირვებული.


თვე იწყება მზე-მერკურის შეერთებით ლომის ნიშანში. მერკური არის ორატორი, ამაყი, შემოქმედებითი, საუკეთესო წამყვანი. გაგიადვილდებათ საჭირო ადამიანებისა და საჭირო ინფორმაციების მოძიება, თუ, რა თქმა უნდა, გამოიჩენთ ინიციატივას. ზოგადად გირჩევთ, 12 აგვისტომდე მეტად გამოავლინოთ ინიციატივა.



ახალმთვარეობას ველოდებით 8 აგვისტოს (08-08), ლომის მე-17 გრადუსში, 17:50-ზე. ამ დღეს მომატებულია მოულოდნელობები. სტაბილურობისა და სიმშვიდის იმედი ნუ გექნებათ. დაგეგმილი საქმეებიც კი შეიძლება აგერიოთ. ამიტომ, სიტუაციის განვითარების კიდევ რამდენიმე ვარიანტი (გეგმა ბ, გ და ა.შ.) იქონიეთ. გარშემო მყოფებში მომატებულია ნერვებს აყოლა. ეცადეთ, მაქსიმალურად შეინარჩუნოთ სიმშვიდე. კონკრეტული ნიშნებისთვის ახალმთვარეობის პროგნოზს კი მოგვიანებით შემოგთავაზებთ.


მერკური - გონებისა და კომუნიკაციის პლანეტა - ქალწულში იქნება 12-30 აგვისტოს შუალედში. მოიმატებს ანალიტიკურობა, სიზუსტე. ადამიანები მიიღებენ სწორ, ჭკვიანურ გადაწყვეტილებებს. გადახედეთ პირად საგნებს, მოიცილეთ უსარგებლოები. გაასუფთავეთ კომპიუტერი, სამუშაო მაგიდა უსარგებლო ფაილებისა და ნივთებისგან.


ჰარმონიული ვენერა სასწორს ესტუმრება 16 აგვისტოს და დარჩება 10 სექტემბრამდე. 16-მდე ვენერა პრაქტიკულობაში გვეხმარება. ერთდროულად რამდენიმე საქმის კეთებაც კი შეგვეძლება, მაგრამ არ უნდა დავივიწყოთ, რომ ვენერა სილამაზის პლანეტაცაა და ეცადეთ, მაქსიმალურად გაინებივროთ თავი სილამაზის, პროცედურებით. 16 აგვისტოდან მოიმატებს ურთიერთობაში ჰარმონიის, სიყვარულის, გაწონასწორებულობის სურვილი.


ქალწულშივეა მარსიც (15 სექტემბრამდე). მოგინდებათ პრაქტიკული საქმეების კეთება. თუ მოინდომებთ და იქნებით დაკვირვებული, არ გაგიჭირდებათ წვრილ ტექნიკასათან, ინსტრუმენტებთნ მუშაობა. საქმეები გამოგივათ მარტივად და ხშირად სრულყოფილად. შეადგინეთ სამოქმედო გეგმა და სისტემურად, მეთოდურად და, რაც მთავარია, აუჩქარებლად იმოქმედეთ. გამონახეთ დრო მსუბუქი ფიზიკური ვარჯიშების შესასრულებლად.


რეტროგრადული ურანის პერიოდი დაიწყება 20 აგვისტოს და გასტანს 2022 წლის 18 იანვრამდე. ურანი ახლა კუროშია. მოიმატებს რისკი, მოულოდნელობა, ამბოხება. გაფრთხილდით ავიაფრენისას. შეიძლება მოულოდნელად მწყობრიდან გამოვიდეს ელექტროტექნიკა.


ვარსკვლავთცვენა 10-20 აგვისტო გველოდება. ყველაზე ჯადოსნური 12-13 აგვისტოს ღამეა. ასტრონომები გვპირდებიან, რომ საათში დაახლოებით 110 მეტეორის დანახვას შევძლებთ (ქალაქგარეთ, რა თქმა უნდა). თუ გწამთ ვარსკვლავებზე სურვილის ჩაფიქრების, არ გამოტოვოთ ეს მოვლენა.


image


აგვისტო იმითაცაა გამორჩეული, რომ მეორედ გვექნება სავსემთვარეობა მერწყულში - 22-ში, 16:02-ზე. სავსემთვარეობის მთავარი პლანეტაც ურანია, მოულოდნელობების, ამბოხის, რისკის. თუმცა, ამჯერად, ურანი კარგად მოიქცევა და ამ დღეს შედარებით მშვიდად გადავიტანთ. განსაკუთრებით თუ გსურთ, ბევრი საქმე სწრაფად მოაგვაროთ, გამოიყენეთ თანამედროვე ტექნიკა. იყავით დეტალებზე დაკვირვებული. სხვათა შორის, თუ კომპიუტერული ტექნიკის (ან ტექნიკის, რომელიც გვეხმარება, ფიზიკური დატვირთვა შევიმსუბუქოთ) ყიდვა გაქვთ გადაწყვეტილი, საუკეთესო დღეები 18-24 აგვისტოს შუალედია.


წელს პირველი სავსემთვარეობა მერწყულში გვქონდა 2 აგვისტოს. ამჯერად მთვარე იუპიტერთანაა "ჩახუტებული". ამიტომ, ველოდოთ სასიამოვნო შანსებს, გაფართოების, გამდიდრების, ძვირფასი საჩუქარების მიღების შანსებს. გაუმართლებთ განსაკუთრებით მათ, ვინც მეგობრულია, კეთილგანწყობილია გარშემო მყოფების მიმართ. დასტაბილურდება დამოკიდებულება სასიყვარულო პარტნიორებს შორის და კონკრეტული ინდივიდის მატერიალური მდგომარეობაც. სავსემთავრეობის პროგნოზსაც ტრადიციულად მოგიმზადებთ.


23 აგვისტოს მზე ქალწულში გადავა 1 თვით. გავხდებით მეტად დაკვირვებულები, პრაქტიკულები. მოგვინდება დეტალებში გარკვევა. ზოგიერთს - კვალიფიკაციის ამაღლება, ახლობლებზე ზრუნვა. სისუფთავის დაცვა და ჯანმრთელობაზე ზრუნვა.


სასიამოვნო მოვლენებით დატვირთულ აგვისტოს გისურვებთ!



ასევე დაგაინტერესებთ:



კარმის პლანეტა "უკანმავალი" გახდა - რა უნდა მოასწროთ 2021 წლის ოქტომბრამდე და რა "საჩუქრებს" გიმზადებთ სატურნი ზოდიაქოს ნიშნებს



ბედნიერების პლანეტა ნიშანს იცვლის - ასტროლოგები მსოფლიოში მოსალოდნელ დიდ ცვლილებებსა და ზოდიაქოს 3 ნიშანზე, რომლებსაც ერთი წელი სასიკეთო პერიოდი ელით

რას მოგიტანთ ბედნიერების პლანეტა იუპიტერი 2022 წლის დეკემბრამდე, თქვენი ზოდიაქოს ნიშნის მიხედვით - "გაიხსენეთ რა ხდებოდა თქვენს ცხოვრებაში 2010 წელს..."

დადგა 5-თვიანი კარმული პერიოდი - ზოდიაქოს 5 ნიშანი, რომელმაც ახალი საქმეების წამოწყება უმჯობესია, შემოდგომამდე გადადოს


"დღეიდან ე.წ. "კატასტროფის ღერძი" გააქტიურდა, ამ ასპექტზე მოხდა ჩერნობილის კატასტროფა, ჰიროსიმას დაბომბვა და კენედის მკვლელობა" - რა უნდა ვიცოდეთ ივლისის მნიშვნელოვან მოვლენებზე


"ხალხი "ენას ამოიდგამს" და ოჯახურ სკანდალებსაც კი გაასაჯაროებს... მეტად მოვიზიდავთ იმას, რისიც გვეშინია" - რა საფრთხეს მოგვიტანს ლილიტი მომდევნო 9 თვეს



ვინ იშოვის დიდ ფულს, ვინ გახდება თაღლითობის მსხვერპლი და ვინ გაიგებს მოულოდნელ საიდუმლოს საკუთარ პარტნიორზე - 9 თვის პროგნოზი ზოდიაქოს ნიშნებისთვის ლილიტის მიხედვით

0
910
შეფასება არ არის
ავტორი:მაია 24
მაია 24
910
  
კომენტარები არ არის, დაწერეთ პირველი კომენტარი
0 1 0