კალათბურთი შვილმა 13 წლის შემდეგ იპოვა გარდაცვლილი დედის წერილი,რომელმაც მისი მომავალი იწინასწარმეტყველა 2021, 2 აგვისტო, 14:20 ბიჭისთვის, დედის სიტყვები გახდა ძლიერი მოტივაცია, რის შემდეგაც მან გადაწყვიტა, სხვებსაც დაეხმაროს ოცნებების ახდენაში.
ლამარ რობერტსმა დედა დაკარგა ოთხი წლის ასაკში, ეს მოხდა მას შემდეგ, რაც ექიმებმა დედამისს სიმსივნე დაუდგინეს. ბიჭი ყოველთვის მაღალი და სპორტული იყო და კალათბურთით იყო დაინტერესებული. მაგრამ მან მხოლოდ 17 წლის ასაკში, გააცნობიერა, რომ ეს ოცნება აუცილებლად უნდა აესრულებინა, როდესაც მან შემთხვევით აღმოაჩინა მისი მისამართით დაწერილი გარდაცვლილი დედის წერილი. ჯერ კიდევ 13 წლის წინ იცოდა დედამ, რომ მის შვილი უნდა გამოსულიყო კალათბურთელი, იტყობინება Mirror-ი. "როცა გაიზრდები, შვილო, კალათბურთი ითამაშე. ნუ დაგავიწყდებათ, რომ მიყვარხართ და იყავით კეთილი თქვენი ოჯახის მიმართ"-ასე დაუწერა დედა მაშინ ჯერ კიდევ 4 წლის ლამარს. სწორედ ამ წერილმა უბიძგა ლამარი პროფესიონალი კალათბურთელი გამოსულიყო. ახლა 28 წლისაა, მან ინგლისის ეროვნული ლიგაში London Lions-ში თამაშობს. სპორტსმენის თქმით, მხოლოდ დედის წერილის შემდეგ გაჩნდა აზრი "რაში ვხარჯავ ჩემს ცხოვრებას?". "სიმართლე გითხრათ, თითქოს და თავზარი დამეცა. მახსოვს ის დღე, როდესაც ვიპოვე ეს წერილი, ისევ და ისევ ვკითხულობდი." სპორტის გარდა, ლამარი ჩართულია საქველმოქმედო საქმიანობაში. ბიჭმა დააარსა " სწორი განვითარების" ფონდი, რომელიც ლონდონში სპორტულ მოედნებს აახლებს. ლამარი იმედოვნებს, რომ მათი ფერადი დიზაინი ხელს შეუწყობს ადამიანებს წინსვლაში. 365 4-ს მოსწონს
|