ვაქცინა ადამიანის ორგანიზმს არა კორონავირუსის ინფექციისგან, არამედ მისი მძიმე ფორმის და გართულებების განვითარებისგან იცავს. ბევრს ეს არ ესმის და უსაფრთხოების ზომებს პირდაპირ აცრის შემდეგ აღარ იცავს. საბოლოოდ, უსიმპტომო მატარებლები ხდებიან და ინფექციას არავაქცინირებულთა შორის ავრცელებენ.

რაც უფრო მეტი აცრილია, მით მეტი დაავადებულია?

ბევრ ქვეყანაში კორონავირუსის საწინააღმდეგო ვაქცინა თითქმის სავალდებულოა. ადამიანი მის გარეშე საჯარო ადგილებში შესვლას ვერ შეძლებს. რა თქმა უნდა, ყოველკვირა აცრილების რაოდენობა იზრდება. ამასთან პანდემია არ მთავრდება.

ამასთან დაკავშირებით, ბევრი ადამიანი, ვინც ვაქცინაციის წინააღმდეგ გამოდის, ჭორებს ავრცელებს, რომ ვაქცინა დაინფიცირებას ხელს უწყობს. მსგავსი განცხადება ვერანაირ კრიტიკას ვერ უძლებს და არა მხოლოდ მცდარი, არამედ მავნე მოსაზრებაა.

ვაქცინა თავად ვირუსისგან ვერ დაგიცავთ

კორონავირუსი ადამიანის ორგანიზმს სულ უფრო მეტად ეგუება. ავად შეიძლება გახდეს როგორც აცრილი, ასევე აუცრელი. ბევრს ვაქცინის კამპანიის ეფექტურობაში ეჭვი ეპარება. თან ავიწყდებათ, რომ ექიმები, რომლებიც პაციენტებს აცრას უკეთებენ, არასდროს ამბობენ, რომ ვაქცინა თავად დაავადებისგან დაგიცავთ.

ვაქცინამ ორგანიზმს ვირუსთან ბრძოლა უნდა აიძულოს, რომ შეღწევისას იმუნურმა სისტემამ მისი სწრაფად განეიტრალება შეძლოს და გართულებები არ გამოიწვიოს. ვაქცინირებულ ადამიანებში დაავადება სერიოზულ გართულებებს ნამდვილად იშვიათად იწვევს.

საქმე ქცევაშია

ვაქცინაციის შემდეგ ბევრი პრევენციული ზომების მიღებაზე უარს ამბობენ. ნიღბის გარეშე დადიან, მოგზაურობენ და ყველა შესაძლო წვეულებას ესწრებიან.

ვაქცინირებული ადამიანების უმეტესობას დაინფიცირების შემდეგ ინფექცია უსიმპტომოდ ან მსუბუქ ფორმაში გადააქვს და ვერც ხვდებიან, რომ ავად არიან. შედეგად, კორონავირუსის გადამტანები ხდებიან.

ვაქცინირებულ ადამიანებს უნდა ახსოვდეთ, რომ აცრის შემდეგ უსაფრთხოების ზომების დაცვა აუცილებელია. მათ მცირე შანსი აქვთ, რომ კორონავირუსული ინფექციის მძიმე ფორმა ან მისი გართულებები შეხვდეთ, მაგრამ ბევრი, აუცრელი ადამიანის დაინფიცირება შეუძლიათ. სწორედ ამიტომ, დაცვის ბანალური ფორმა, როგორიცაა ნიღბის ტარება, რეგულარული დეზინფექცია ან მინიმუმ ხელის დაბანა აუცილებელია.

ასევე დაგაინტერესებთ:

როგორ გავაკეთოთ სახის დამცავი ნიღაბი დამოუკიდებლად

ვირუსებისა და გრიპისგან თავდასაცავად უსპირტო ხელის ანტისეპტიკს თავად ვაკეთებ

რა კლავს ბაქტერიებს: ფოტოები სადეზინფექციო საშუალების და საპნის გამოყენების შემდეგ განსხვავებას დაგანახებთ

18 ნიღაბი მახვილგონივრული წარწერით მათთვის, ვინც ნიღბის ტარებაზე უარს ამბობს

რომელი თერმომეტრია უკეთესი: ვერცხლისწყლის, ელექტრონული თუ ინფრაწითელი