საჰარა – მსოფლიოში ყველაზე დიდი ქვიშიანი უდაბნო, საშინელი ბუნებრივი პირობების გამო, ნაკლებად არის შესწავლილი. მწველი მზე და ათასობით კილომეტრზე გადაჭიმული ქვიშის რელიეფი, სერიოზულ წინააღმდეგობას წარმოადგენს მკვლევრებისთვის. მიუხედავად ამისა, მეცნიერები მისხალ-მისხალ აგროვებენ ინფორმაციას ამ უზარმაზარი უდაბნოს შესახებ. მათი ყურადღების ერთ-ერთი ობიექტი, გამოქვაბულის კედლებზე ნანახი პეტროგლიფები გახდა. კვლევამ აჩვენა, რომ ზოგიერთი ნახატის ასაკი, დაახლოებით, 14 ათასი წელია. მსგავსი ნახატები ბევრია ლიბიის სამხრეთ ნაწილში, მდინარე მათხანდუშის წყლების მშრალ კალაპოტში. იქ უჩვეულო, 60 კმ-ზე გადაჭიმული, ნახატების მთელი ანსამბლია, რომელთა შორის, ყურადღებას ნიღბიანი ადამიანები, საყოფაცხოვრებო ცხოვრების სცენები, აფრიკის კონტინენტისთვის დამახასიათებელი ცხოველები და ამ კონტინენტისთვის უცხო, – პინგვინები იქცევს.

ლიბიაში არის ისეთი ადგილებიც, სადაც ადგილობრივები არ დადიან. ასეთი «ცუდი» ადგილების რიცხვში ჩამქრალი ვულკანის, – ვანუ-ან-ნამუსის კრატერია, რომლის დიამეტრი 12 კილომეტრია, ხოლო სიღრმე – 200 მ. მის ფსკერზე სამი ტბა მდებარეობს: წითელი, მწვანე და ცისფერი.

აღნიშნულ რეგიონში, ერთ-ერთი ექსპედიციის დროს, გამცილებლები სასტიკი წინააღმდეგები იყვნენ, როდესაც მეცნიერებმა ერთ-ერთი ტბის გვერდით გადაწყვიტეს დაბანაკება. მათი თქმით, ტბაში ურჩხული ცხოვრობდა და ღამე კრატერის თავზე გაატარეს, ხოლო ექსპედიციის სხვა წევრები ტბასთან დაბანაკდნენ. ღამე მათთვის მართლაც რომ შფოთიანი აღმოჩნდა: ვულკანიდან გუგუნი, უცნაური, საშიში ხმები და კვნესა ისმოდა. ხოლო, ერთხელ, წყლის ზედაპირზე მოძრავი რგოლები გამოჩნდა.

საჰარის უდაბნოს ქვიშის სქელი ფენის ქვეშ, შესაძლებელია, უძველესი ცივილიზაციის ქალაქების ნაშთებიც იყოს. კოსმოსური აპარატით, დედამიწის ერთ-ერთი ზონდირების დროს, უდაბნოში, 100-150 მ. სიღრმეზე, ქალაქის მსგავსი კონსტრუქცია აღმოაჩინეს. თუმცა, ამ საკითხთან დაკავშირებით, სხვა არაფერია ცნობილი. სავარაუდოდ, «ობიექტი» გასაიდუმლოებულია...

არხის სხვა სიახლეები:

1. სტალინმა II მსოფლიო ომის დამთავრების და საკუთარი გარდაცვალების თარიღი წინასწარ იცოდა
2. სამხრეთ აფრიკაში 100 000 წლის წინ აშენებული ქალაქის ნანგრევები აღმოაჩინეს

3. ყველიანი წასახემსებელი (2 მარტივი რეცეპტი)
4. რატომ ვერ მოხვდა მნიშვნელოვანი ისტორიული თარიღი ისტორიის სახელმძღვანელოებში?

5. კაკაო დადებითად მოქმედებს მხედველობის ორგანოებზე – მეცნიერებმა კვლევის ახალი შედეგები გამოაქვეყნეს (+ ცხელი კაკაოს მომზადების 2 რეცეპტი)
6. სწორი კვების ოქროს წესები, რომელიც ყველამ უნდა იცოდეს