ყველიანი ლოკოკინები

ინგრედიენტები:

ფენოვანი ცომი — 350 გრ.
სულგუნი — 150 გრ.
კვერცხი — 1 ცალი
სეზამი — სურვილის შემთხვევაში

მომზადება:

I. მსუბუქად გააბრტყელეთ ფენოვანი ცომი და სიგანის ხაზზე დაჭერით 7–8 სმ-ს ზოლებად (საშუალოდ, 6 ზოლი გამოდის).

II. გახეხეთ ყველი მსხვილ სახეხზე.

III. გაყავით ყველი 6 ნაწილად და მოათავსეთ სიგრძეზე, ზოლების ცენტრში.

IV. ცომს კიდეები კარგად შეუწებეთ და ნაკერით ქვევითკენ გადააბრუნეთ.

V. იმ გვერდზე, რომელზეც უნდა დაახვიოთ, ფუნჯით წყვალი წაუსვით.

VI. დაახვიეთ ყველიანი ცომი ერთ–ერთი ბოლოს ირგვლივ – მიეცით ლოკოკინის ფორმა.

VII. გამზადებული «ლოკოკინები» მოათავსეთ ზეთწასმულ საცხობ ფირფიტაზე, ზემოდან გადაუსვით ცოტა წყალში ათქვეფილი კვერცხის გული (სურვილის შემთხვევაში, შეგიძლიათ სეზამის მარცვლები მოაყაროთ და კვერცხის გულს ვანილინი დაამატოთ, რომ უფრო სასიამოვნო სუნი ჰქონდეს).

VIII. გამოაცხეთ 180 გრადუსზე, წინასწარ გახურებულ ღუმელში.

ყველიანი კონვერტები

ინგრედიენტები:

ფენოვანი ცომი — 4 ფენა
მყარი ყველი (ბრინზა, იმერული, სულგუნი) — 300 გრ.
კვერცხი — 1 ცალი
ხმელი მწვანილი — სურვილის შემთხვევაში

მომზადება:

I. დაჭერით ყველი კუბიკებად.

II. ცომი დაჭერით კვადრატებად.

III. თითო კვადრატზე მოათავსეთ თითო კუბიკი და მიეცით კონვერტის ფორმა.

IV. გამზადებული კონვერტები მოათავსეთ ზეთწასმულ საცხობ ფირფიტაზე, გადაუსვით ზემოდან ცოტა წყალში ათქვეფილი კვერცხის გული (სურვილის შემთხვევაში, შეგიძლიათ ხმელი მწვანილი მოაყაროთ, გემოვნებით და კვერცხის გულს ვანილინი დაამატოთ, რომ უფრო სასიამოვნო სუნი ჰქონდეს).

V. გამოაცხეთ 180 გრადუსზე, წინასწარ გახურებულ ღუმელში.

კულინარიული არხის სხვა სიახლეები:

1. შემწვარი თევზი ინდურად (გემრიელი და მარტივად მოსამზადებელი, + სოუსის რეცეპტი, შემწვარი თევზისთვის)
2. საზაფხულო კოტლეტი ხორცის და კვერცხის გარეშე
3. ფარშირებული წიწაკა ანტალიურად
4. იაპონური ხრიკი, რომელიც საფუარიან ღვეზელს მალე დაძველებისგან იცავს

5. ვაშლიანი წნულები – უგემრიელესი ღვეზელი და წნულის გაკეთების უმარტივესი ხერხი

6. ხაჭოს რბილი და ჰაეროვანი ორცხობილა