ვიტამინები, მინერალები და მიკროელემენტები, რომელიც სტაფილოს წვენში შედის, დადებითად მოქმედებს ჩვენს ორგანიზმზე და დღეგრძელობას უზრუნველყოფს – ასეთია მეცნიერების დასკვნა, ბოლო დროს ჩატარებული კვლევების შემდეგ.

სტაფილო, მართალია, 80% წყლისგან შედგება, სამაგიეროდ, დანარჩენი 20%, სასარგებლო ნივთიერებების ნამდვილი საკუჭნაოა. მასში დიდი რაოდენობის ნახშირწყლები (მათ შორის, ნატურალური შაქარი), ცილები, A, С, K Е, С და В ჯგუფის ვიტამინები, ომეგა-6 და ომეგა-3 მჟავები, ფოსფორი, კალციუმი, მაგნიუმი, სპილენძი, ქრომი, რკინა, ფტორი, ქლორი და უამრავი სხვა მიკროელემენტი შედის. ხოლო, კაროტინოიდული პიგმენტები, რომელსაც ეს ბოსტნეული შეიცავს, დიდი ანტიოქსიდანტური აქტივობით გამოირჩევა და ამიტომ, სტაფილოს წვენი თავისუფალი რადიკალების წინააღმდეგ ბრძოლის საუკეთესო იარაღია.

გარდა ამისა, სტაფილოს წვენში შემავალი ვიტამინები, ხელს უშლის იმუნური სისტემის უჯრედების განადგურებას. სტაფილოს წვენი ასევე შეიცავს ლუთეინს და ბეტა-კაროტინს, რომელიც ორგანიზმს სისხლის და სხვა ორგანოების ონკოლოგიური დაავადების განვითარების რისკისგან იცავს. ასეთ დასკვნამდე მივიდნენ მეცნიერები, რომლებიც ცდებს, სტაფილოს ექსტრაქტის გამოყენებით, ლეიკოზის უჯრედებზე ატარებდნენ.

სტაფილოს ამდენი სასარგებლო ეფექტის გათვალისწინებით, გასაკვირი არ არის, რომ მისი სისტემატურად გამოყენების შემთხვევაში, ადამიანის სიცოცხლის ხანგრძლივობა მნიშვნელოვნად გაიზარდოს – აცხადებენ დარგის უცხოელი ექსპერტები.

გარდა ამისა, უნდა აღინიშნოს, რომ სტაფილო მოხარშული სახით, უმზე უფრო სასარგებლოა. ხოლო, ამის მიზეზი ის არის, რომ თერმული დამუშავების დროს, სტაფილოს შემადგენლობაში არსებული მყარი ბოჭკოვანების სტრუქტურის მსხვრევა და ჩვენი ორგანიზმისთვის ძალიან სასარგებლო, ბეტა–კაროტინის გამოთავისუფლება ხდება.

მოხარშული სტაფილო, ყოველდღიურად გამოყენების შემთხვევაში, ამაგრებს ღრძილებს, არეგულირებს ნაწლავების მიკროფლორას, აუმჯობესებს კანის სტრუქტურას. დიეტოლოგების რეკომენდაციით, სტაფილო, ნებისმიერ ასაკში, შეგვიძლია მივირთვათ უმი, მოხარშული ან გამომცხვარი სახით.

და აქვე გთავაზობთ, უგემრიელესი და ძალიან სასარგებლო სალათის რეცეპტს, რომლის მთავარი ინგრედიენტი სტაფილოა:

სტაფილი – 2 ცალი

ყველი (ნებისმიერი დიეტური) – 50-70 გრ.

ნიგოზი – 30 გრ.

ნატურალური იოგურტ (ან კეფირი) – 2 ს. კ.

მარილი – გემოვნებით

I. გაასუფთავეთ სტაფილო და გახეხეთ სახეხზე ყველთან ერთად.

II. დაჭერით წვრილად ნიგოზი.

III. თასში შეურიეთ ერთმანეთს გახეხილი და დაჭრილი ინგრედიენტები, დაამატეთ მარილი და იოგურტი.

არხის სხვა სიახლეები:

1. სტალინმა II მსოფლიო ომის დამთავრების და საკუთარი გარდაცვალების თარიღი წინასწარ იცოდა
2. სამხრეთ აფრიკაში 100 000 წლის წინ აშენებული ქალაქის ნანგრევები აღმოაჩინეს

3. სწორი ფრაზები ბავშვის სამართავად, რომელიც ყველა მშობელმა უნდა იცოდეს
4. მეცნიერებმა დინოზავრების დაღუპვის ახალი ვერსია გააჟღერეს
5. საინტერესო და ნაკლებად ცნობილი ფაქტები თავისუფლების ქანდაკების შესახებ
6. სრული სიმართლე ტყუპი–კოშკების აფეთქების შესახებ