ვარსკვლავები ერთწლიანი პაუზის შემდეგ გამოვლინდა მსოფლიოს ულამაზესი ქალი 2021, 17 მაისი, 18:54  2020 წელს კონკურსი პანდემიის გამო გაუქმდა, მაგრამ ახლა საბოლოოდ გაირკვა კიდევ ერთი გამარჯვებული.მექსიკელი ლამაზმანი ანდრეა მეზა, რომელმაც მთელი მსოფლიო მოიხიბლა და ის არ მარტო მოდელია.
ფლორიდაში, აშშ-ში, "მის სამყაროს "69-ე კონკურსზე ნანატრი გვირგვინი მოიგო 26 წლის გოგონამ მექსიკიდან ანდრეა მეზამ, მას 73 კონკურენტი უპირისპირდებოდა.  "რა მაგარი მომენტია! მზად ვარ ამ მოგზაურობისთვის", "მექსიკა ეს შენთვისაა", - სიხარულით დაპოსტა ლამაზმანმა საკუთარ ინსტაგრამზე, სადაც 910 ათასი გამომწერი ჰყავს. "ჩვენ ვამაყობთ თქვენით" - ერთხმად უპასუხეს აღფრთოვანებულმა გულშემატკივრებმა.  ანდრეა ჩიუაუაში დაიბადა, მას აქვს ჩინური ფესვები და 40-მდე ბიძაშვილ-მამიდაშვილი ჰყავს. ლამაზმანი არა მარტო სამოდელო ინდუსტრიაშია. ის არის ვიზაჟისტი და აქვს პროგრამების ინჟინრის დიპლომი, გოგონა წარმატებით აერთიანებს ყველა საქმიანობას. ანდრეა "ამაყობს იმით, რომ ქალია და დომინირებს მამაკაცების სფეროში "  გოგონას ექსტრემალური სპორტის სახეობებიც იტაცებს: მას უყვარს კროსფიტი, კლდეზე ცოცვა და სენდბორდინგი. გარდა ამისა, ანდრეა არის ვეგანი და აქტივისტი, რომელიც მუშაობს ქალთა საქმეთა მუნიციპალურ ინსტიტუტთან, რომელიც მიმართულია იმისკენ, რომ დასრულდეს გენდერული ძალადობა .  გოგონამ ასევე გადაწყვიტა ებრძოლოს სტერეოტიპებს გარეგნობაზე, სცენიდან ანდრეამ განაცხადა, რომ "სილამაზე გულიდან მოდის". ”არასოდეს მისცეთ უფლება ვინმემ გითხრათ, რომ შენ არაფრის ღირსი ხარ”, - თქვა გამარჯვებულმა.  1018 3-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
