წელიწადში ერთხელ დიდ ბრიტანეთში ყველაზე უცნაური, მხიარული და უნიკალური დღესასწაული - "ლედის დღე" იმართება. ამ დღეს ბრიტანეთის მერსისაიდის საგრაფოში ცხენების დოღი - "Grand National Festival"-ი ტარდება, რომლის დამთავრებისთანავე წლის ყველაზე ველური წვეულება იწყება. ახალგაზრდა ქალბატონები ამ ღონისძიებისთვის მთელი წლის განმავლობაში საგანგებოდ ემზადებიან, ვინაიდან მათ ხომ სწორედ ამ დღეს შეუძლიათ ყოველგვარი წესების უგულვებელყოფა და მთელი არსებით გართობისა და მხიარულების მორევში გადაშვება. შეგახსენებთ, რომ ღონისძიებაზე არა მხოლოდ საცხენოსნო შეჯიბრებების მოყვარულები, არამედ თავაშვებული გართობისა და დროსტარების მოყვარული ბრიტანელი ქალბატონებიც იკრიბებიან, რომლებიც საუკეთესო კოსტიუმებში გამოწყობილები კავალერებთან და მეგობრებთან ერთად გონების დაკარგვამდე თვრებიან. მაშ ასე, წარმოგიდგენთ ფესტივალის უნიკალურ კადრებს, რომლებიც "ლედის" ფენომენს სულ სხვა კუთხით დაგანახებთ.
