მეთვრამეტე საუკუნეში ირლანდიაში ერთ ყველაზე ჩვეულებრივ ქალს მარჯორი მაკოლს დაუჯერებელი ამბავი შეემთხვა.

ჩვენ იმდენად შევეჩვიეთ თავგადასავლებისა და უჩვეულო სიტუაციების გარეშე რუტინულ ცხოვრებას, რომ ნებისმიერი უჩვეულო ამბავი ეჭვს ბადებს. თუმცა ნებისმიერ ჩვენგანს შეიძლება დაემართოს ფანტასტიკური შემთხვევა. მაჯორი მაკოლის ისტორია ნამდვილად გამოიყურება, როგორც არარეალური, თუმცა ეს დადასტურებული ფაქტია.

1705 წელს, როდესაც მედიცინა არ იყო განვითრებული და ცნებაც კი -მორგი, არ არსებობდა, ციებცხელებისგან გარდაიცვალა ექიმ ჯონ მაკოლის მეუღლე. ინფექციის გავრცელების საშიშროების თავიდან აცილების მიზნით ის სასწრაფოდ დაასაფლავეს. წინა დღით ჯონმა მეუღლეს ძვირფასი ბეჭედი აჩუქა. ამ ძვირფასი ნივთით დაკრძალვა მას არ სურდა, მაგრამ თითების შეშუპების გამო, ბეჭდის მოხსნა ვერ მოახერხეს. იძულებულ გახდნენ მაჯორი ძალიან ძვირფასი ბეჭდით დაესაფლავებინათ.

დაკრძალვისთანავე საფლავზე გამოჩნდენენ მიცვალებულის ოქროზე მონადირე ყაჩაღები. საფლავი გათხარეს, მაგრამ ბეჭდის მოხსნა ვერ შეძლეს. მაშინ გადაწყვიტეს თითი მოეჭრათ. როგორც კი ბასრმა სამართებელმა კანი გაუჭრა, მარჯორი გამოფხიზლლდა კომიდან, წამოჯდა და ხმამაღლა დაიყვირა. ბოროტმოქმედებს რა დაემართათ, უცნობია.

Fishki.net მიუთითებს, რომ ზოგის აზრით საქმის ასეთ მოულოდნელ გაგრძელებას მათმა სუსტმა გულებმა ვერ გაუძლეს და წამბილწველები სიცოცხლეს პირდაპირ გაცოცხლებული ქალის საფლავთან გამოემშვიდობნენ. ზოგის თქმით- ყველა უკანმოუხედავად გაიქცა.

მკვდრეთით აღმდგარი ქალბატონი გაჭირვებით ამოძვრა საფლავიდან და სახლისკენ წალასლასდა.

ჯონ მაკოლი, მაჯორის მეუღლე, ბავშვებთან იყო სახლში, როდესაც კარებზე კაკუნის ხმა გაიგონა. მამაკაცმა ბავშვებს უთხრა: „დედათქვენი რომ ცოცხალი ყოფილიყო, დავიფიცებდი რომ ეს მისი დაკაკუნებაა“. კარების გაღებისას, მან მარჯორი დაინახა გასისხლიანებული ხელით და იქვე დაეცა მკვდარი. დაასაფლავეს იმავე საფლავში, რომელიც ცოლისთვის იყო განკუთვნილი.

მარჯორიმ კიდევ მრავალი წელი იცოცხლა, კვლავ გათხოვდა და შეეძინა შვილები. და როდესაც გარდაიცვალა იმავე საფლავზე დაასაფლავეს შენკილში (ლურგანი, ირლანდია ). მისი საფლავის ქვა ახლაც არსებობს. მასზე აწერია: „იცხოვრა ერთხელ, დაასაფლავეს ორჯერ“.

თანამედროვე მედიცინაში ასეთი ფენომენი ცნობილია სახელწოდებით „ლაზარეს სინდრომი“ ან თვითრეანიმაცია, რაშიც იგულისხმება სამედიცინო რეანიმაციის უშედეგო მცდელობების და პაციენტის გარდაცვლილად ცნობის შემდეგ გულის ნორმალური რიტმის სპონტანური აღდგენა.

სახელწოდება კი, როგორც სჩანს, წარმოდგება ბიბლიიდან - იესო ქრისტემ ლაზარე მკვდრეთით აღადგინა.

პირველად, „ლაზარეს სინდრომი“ აღწერეს 1982 წელს. მას შემდეგ კი ეს ფენომენი ოცდათვრამეტჯერ იქნა დაფიქსირებული.

იხილეთ ასევე: