მაია ასათიანის გუნდის მიერ რუსთავი 2“-ის დატოვების პარალელურად ცნობილი ხდება, რომ არხზე ახალი სეზონიდან მუსიკალური მეგა პროექტები ბრუნდება. უკვე დადასტურდა, რომ ყველაზე პოპულარული სატელევიზიო პროექტი „ნიჭიერი“ და სხვა მუსიკალური კონკურსები სწორედ რუსთავი 2-ის ეთერში დაბრუნდება. ამ პროექტების სულისჩამდგმელმა პროდიუსერებმა გიორგი ხაბურზანიამ და დემნა ჯაფარიძემ საზოგადოებრივი მაუწყებელი დატოვეს და კვლავაც მშობლიურ რუსთავი2-ში დაბრუნდნენ. თავის დროზე მათი ამ არხიდან „იმედზე“ წასვლა სწორედ ნიკა გვარამიასთან შეუთავსებლობით იყო გამოწვეული. იმედიდან კი სულ მალე პროექტები საზოგადოებრივ მაუწყებელზე გადავიდა.

რუსთავი 2-ის გენერალურმა დირექტორმა პაატა სალიამ გუშინ საგანგებო განცხადებაში დაადასტურა, რომ მაია ასათიანის მხრიდან არხის დატოვების მიუხედავად, რუსთავი 2 პირველობისთვის ბრძოლას იწყებს და არხზე სულ მალე მუსიკალური მეგა პროქტები ბრუნდება.

.

"რამდენიმე დღეა უკვე აქტიურად ვმუშაობთ. ორივე არიან ჩვენი თანამშრომლები. გიდასტურებთ იმას, რომ Prime Time-მა და რუსთავი 2-მა შევქმენით ჰოლდინგი. ჩვენი თანამშრომლებს გავაცანით ეს ინფორმაცია და უკვე ჰოლდინგი გააგრძელებს, ფაქტობრივად, რუსთავი 2-ის სახელით მაუწყებლობას. ყველა სამართლებრივი ზომა მიღებულია და ბიჭებიც არიან ჰოლდინგის თანამშრომლებიც, ისევე, როგორც ყველა ჩვენ", — თქვა რუსთავი 2-ის დირექტორმა პაატა სალიამ.

.

ჯერ კიდევ 5 მარტს ცნობილი გახდა, რომ პანდემიის გამო გამოწვეული ეკონომიკური სირთულისა და არხის რეიტინგის კლების გამო რუსთავი 2-ში სტრუქტურული რეორგანიზაცია გამოცხადდა.

,

ტელეკომპანია რუსთავი 2-ის პროექტების მენეჯერები დემნა ჯაფარიძე და გიორგი ხაბურზანია იმედზე 2017 წელს გადავიდნენ. საჯარო რეესტრის მიხედვით, გიორგი ხაბურზანია და დემნა ჯაფარიძე ფლობენ კომპანია ნოვა პროდაქშენს, რომელიც საზოგადოებრივ მაუწყებელთან თანამშრომლობს.

,

ცნობილმა ტელეწამყვანმა მაია ასათიანმა „რუსთავი 2“ დატოვა და მიანიშნა, რომ არხზე თავისუფლების ხარისხს ვეღარ ხედავს, მის ამ პოზიციას ტელეკომპანია არ იზიარებს. საგანგებო განცხადება გაავრცელა არხის გენერალურმა დირექტორმა პაატა სალიამ, მისი მტკიცებით, მაია ასათიანმა რუსთავი 2 მხოლოდ შორენა ბეგაშვილის გამო დატოვა. სალიას მტკიცებით ახალი სეზონიდან პროფილის გუნდის მიერ მომზადებული გადაცემა შორენას ეფექტი საეთერო ბადეში აღარ მოხვდა, რაც მიუღებელი აღმოჩნდა პროფილის გუნდის წევრებისთვის და მათ არხის დატოვების გადაწყვეტილება სწორედ ამიტომ მიიღეს.

შორენა ბეგაშვილის საავტორო გადაცემა „შორენას ეფექტი“ ეთერში რამდენიმე თვეა გადის, თუმცა, როგორც არხის მენეჯმენტი განმარტავს, მათი მოლოდინი ამ პროექტთან დაკავშირებით უფრო მეტი იყო და მან ვერ გაამართლა იმედი, რის გამოც გადაცემის დახურვის გადაწყვეტილება მიიღეს, თუმცა პროფილის დახურვას არავინ გეგმავდა და მაიამ ეს თავად ისურვა.

.

მაია ასათიანი, “პროფილის” ბოლო გადაცემისას მონოლოგში აღნიშნავდა:

.

“მე აქ მასწავლეს, როგორ გავხდე ტყვიაგაუმტარი და მე გავხდი ჟურნალისტი. დღემდე ის 20 წლის წინანდელი გოგო ვარ, რომელიც სიბნელიდან ანთებულ რუსთავი2-ში მივიდა.

როცა ეს ტელევიზია ინგრეოდა, ჩემ თავს პირობა მივეცი, რომ ვიქნებოდი ბოლო, ვინც იმ ფასეულობისთვის იბრძოლებდა, რასაც რუსთავი2 ჰქვია და თუ ეს ბრძოლა შეუძლებელი გახდებოდა, მხოლოდ მაშინ, ბოლო გავიდოდი ამ შენობიდან. რუსთავი 2 კედლები არ არის, ეს არის ფასეულობები.

პირობა შევასრულე, ბოლო გავდივარ ამ შენობიდან და ამ არხზე 20 წლიან ისტორიას ვასრულებ. ბოლო გავდივარ, რადგან აქ იმ სინათლეს, მთელი საქართველოს იმედი რომ იყო, ვეღარ ვხედავ. დღეს ბოლო პროფილია. იძულებული ვარ წავიდა, საბრძოლველი აღარაფერია.

ყველა აქ არის, ყველა ვისთან ერთადაც ეთერში ის სასწაული ხდებოდა. მიყვარხართ ყველა. მადლობა, რომ ჩემთვის ასეთ რთულ დღეს ჩემთან ერთად ხართ. პროფილი ამ არხზე დღემდე ყველაზე რეიტინგულია. ის იყო პირველი არაპოლიტიკური თოქ-შოუ საქართველოში. მეამაყება რომ პირველები ვართ და ამ გზას გავაგრძელებთ. ეს დასასრული არ არის.”