კინო 6 მსახიობი, რომელსაც კამერის წინ გაშიშვლება არ ერიდება 2020, 16 ოქტომბერი, 16:34 
მსახიობის პროფესია მორიდებული ქალბატონებისთვის ნამდვილად არ არის, ვინაიდან ზოგჯერ მათგან ისეთი სითამამის გამოჩენას ითხოვენ რასაც ყველა ქალი არ დათანხმდება. მაგალითად, კამერის წინ გაშიშვლება ან საწოლის სცენებში მონაწილეობა დამეთანხმეთ რომ ყველას არ შეუძლია. დღეს სწორედ იმ 6 ცნობილი მსახიობის შესახებ მოგიყვებით, რომელსაც ინტიმურ სცენებში მონაწილეობა არანაირ დისკომფორტს არ უქმნის და ერთი წარმატებული კადრის გამო კამერის წინ ყოველგვარი მორიდების გარეშე შიშვლდება.
შარლიზ ტერონი
სამხრეთ აფრიკელი წარმოშობის ამერიკელ მსახიობსა და ჰოლივუდის ერთ - ერთ ყველაზე მოთხოვნად მსახიობს კარიერის დასაწყისში შეიძლება ითქვას რომ ნამდვილად გაუმართლა, ვინაიდან რეჟისორ ტეილორ ჰეკფორდის ფილმ "ეშმაკის ადვოკატის" კასტინგზე მისულს არა მხოლოდ ქალის მთავარი როლი ერგო, არამედ გადასაღებ მოედანზე თამაში ისეთ ლეგენდარულ მსხიობებთან ერთად მოუწია როგორიც ალ პაჩინო და კიანუ რივზია, თუმცა ოსკაროსანმა მსახიობმა მისტიკურ დრამაში შესანიშნავი ფიზიკური მონაცემების გარდა, თავისი ბრწყინვალე სამსახიობო ნიჭის დემონსტრირებაც მოახერხა, რის შემდეგაც მისი კინოკარიერა საკმაოდ სწრაფად განვითარდა.
კირსტენ დანსტი
ჰოლივუდის ვარსკვლავი კირსტენ დანსტი კოლეგებისგან განსხვავებით საკუთარ სექსუალობას კარიერის დასაწყისიდანვე არ იყენებდა, პირიქით, თუმცა ყველაფერი მას შემდეგ შეიცვალა, რაც მსახიობი რეჟისორ სოფია კოპოლას შეხვდა, რომელმაც ის თავის პირველ ფილმში "თვითმკვლელ ქალწულებში" გადაიღო, სადაც მან სენსუალური და გარყვნილი სკოლის მოსწავლის - ლუქს ლისბონის როლი შეასრულა, მსახიობმა არანაკლებ საინტერესო გარდასახვა მოახერხა 2006 წელსაც, როდესაც მან ამავე რეჟისორის მიერ გადაღებულ ისტორიულ - ბიოგრაფიულ ფილმში "მარია - ანტუანეტა", საფრანგეთის სკანდალური დედოფლის როლი ბრწყინვალედ განასახიერა, თუმცა შიშველი დანსტის ყველაზე დასამახსოვრებელი ეპიზოდი მაინც ლარს ფონ ტრიერის 2011 წელს გადაღებულ აპოკალიპტურ დრამას "მელანქოლიას" უკავშირდება, სადაც მისი გმირი - ჯასტინი სრულიად შიშველი ტბის ნაპირზე ნებივრობს. შეგახსენებთ, რომ ფილმში შესრულებული როლისთვის კირსტენ დანსტს საუკეთესო მსახიობი ქალისთვის კანის კინოფესტივალის ჯილდო გადაეცა.
მონიკა ბელუჩი
მონიკა ბელუჩის ფენომენი კიდევ ერთხელ ამტკიცებს, რომ მამაკაცებს უფრო ხორცსავსე და ფორმებიანი ქალები იზიდავთ, ასე რომ სულაც არ არის საჭირო 45 კილოგრამს იწონიდეთ, რომ პლანეტის ერთ – ერთ ყველაზე სასურველ ქალად ჩაგთვალონ. გასაკვირი არ არის, თუ რატომ ცდილობენ კინორეჟისორები ასე გულმოდგინედ კადრში ამ მიმზიდველი შავგვრემანი ლამაზმანის ბოლომდე გაშიშვლებას.
ევა გრინი
ევას დებიუტი რეჟისორ ბერნარდო ბერტოლუჩის მიერ 2003 წელს გადაღებულ დრამაში "მეოცნებენი" შედგა, სადაც მისი გმირი იზაბელი უმეტესად სამოსის გარეშე, შიშველი ჩნდება. ამ როლმა შვედური წარმოშობის ფრანგ მსახიობს მსოფლიო პოპულარობისა და აღიარების გარდა, ასევე ჯეიმს ბონდის მეგობარ გოგონად გახდომის შესაძლებლობაც მოუტანა.
დემი მური
დემი მურის მსგავსი მასშტაბის სხვა ჰოლივუდის ვარსკვლავი, კამერის წინ გაშიშვლებასა და თან პარალელურად სტრიპტიზის ცეკვას რეჟისორს რიდლი სკოტს ვფიქრობ არ დასთანხმდებოდა, თუმცა ბრიუს უილისის ყოფილი ცოლი არც ისეთი - მორცხვი და მშიშარა აღმოჩნდა. სხვათა შორის, "მოჩვენების" ვარსკვლავი, ჯორდან ო’ნილის როლისთვის ფილმში "ჯარისკაცი ჯეინი" არამარტო გაშიშვლდა, არამედ თავიც მთლიანად გადაიპარსა.
ლინა ჰედი
სერსეი ლანისტერი - გარყვნილებისა და უზნეობის სიმბოლო. მსახიობმა ლინა ჰედიმ, რომელმაც მსოფლიო პოპულარობა სწორედ აღნიშნული კინოროლით მოიპოვა, სერიალ "სამეფო კარის თამაშების" ყველა თამამ სცენაში ყოველგვარი მორიდების გარეშე ითამაშა, მაყურებელს კი ყველაზე მეტად სწორედ ის სცენა დაამახსოვრდა, სადაც შიშველ სერსეის ხალხის შეძახილის ფონზე ქალაქის ქუჩებში სიარული უწევდა.
|
