21 წლის აბიანა უილიამსი, აშშ-ს ლანსინგიდან, ეჭვობდა, რომ მისი მეგობარი მამაკაცი ღალატობდა და გადაწყვიტა მისი დასჯა. გოგონამ უთხრა თავის მეგობარს, რომელმაც იგი შეყვარებულის სახლთან ჩამოსვა, რომ იგი აპირებდა მის ფანჯარაზე ქვის სროლას, თუმცა მან სასტიკი შურისძიება განახორციელა, რასაც სამი ადამიანის სიცოცხლე შეეწირა.(ფოტოზე მარცხნივ აბიანა უილიამსი, მარჯვნივ მსხვერპლი- მელის ვესტენი)

აბიანა მიუახლოვდა სახლს, სადაც მისი შეყვარებულის დედა ცხოვრობდა, პარალელურად საშინელი შეტყობინება გაუგზავნა "მოღალატეს", შემდეგ კი ცეცხლი წაუკიდა სახლს. ხანძრის შედეგად დაიღუპა დედა-53 წლის მელისა ვესტენი და მისი შვილიშვილები 8 წლის ასტონ გრიფინი და 4 წლის ჯესი კლაინ IV. წერს The Lansing State Journal.

"დედაშენის სახლთან ვარ. იმედი მაქვს მოეწონება ცოცხლად დაწვა"-ასეთი სასტიკი სმს მიწერა აბიანამ საკუთარ ბოიფრენდს.

ახალგაზრდა ქალი პოლიციამ დააკავა, ახლა ის უარყოფს დანაშაულს, აცხადებს, რომ იგი იმ ღამეს არ იმყოფებოდა დანაშაულის ადგილზე. თუმცა ამოღებული მტკიცებულებები საწინააღმდეგოს ღაღადებს, მათ შორის დაღუპულების მეზობლების ჩვენებები, მათ დაინახეს გოგონა, რომელიც აბიანას ძალიან ჰგავდა და მეტიც, მათ სანთებელა სთხოვა, სანამ სახლს ცეცხლი გაუჩნდებოდა.