x
მეტი
  • 28.03.2024
  • სტატია:134029
  • ვიდეო:353919
  • სურათი:508243
"დამჯდარი" ხერხემალი – ყველა დაავადების ფარული მიზეზი! 5 ვარჯიში ხერხემლისთვის პოლ ბრეგისგან

ასაკის მატებასთან ერთად ადამიანის კუნთები დუნდება, ქსოვილი ვერ იღებს საკმარისი რაოდენობის მკვებავ ნივთიერებებს, რის შედეგადაც ხერხემლის ხრტილები და მალთაშუა დისკები ნადგურდება. ხერხემალი თანდათან "ილევა", სწორედ ამიტომ 60-70 წლის ადამიანები სიმაღლეში იკლებენ. თუმცა, ეს სიბერის გამო სულაც არ ხდება. ცნობილი ამერიკელი დიეტოლოგი პოლ ბრეგი საკუთარ წიგნში "ჯანმრთელი ხერხემალი" წერს: "ჩვენ - ზარმაცების და უგუნური ადამიანების ცივილიზაცია ვართ, ვიღებთ უსიცოცხლო ხელოვნურ საკვებს, და უმეტესობა ჩვენგანი სპორტსმენი კი არა, გულშემატკივარია. დრო არ დადგა, ცხოვრება უკეთესობისკენ შევცვალოთ?"


image


ხერხემლის გაწელვით, ჩვენ ახალგაზრდობას ვიხანგრძლივებთ. შესაძლოა შეგიმჩნევიათ, რომ დილით უფრო უკეთ გრძნობთ თავს, ვიდრე საღამოს. ეს მხოლოდ იმიტომ არ ხდება რომ დღის მანძილზე დაიღალეთ! საქმე შემდეგში მდგომარეობს – დღის მანძილზე ხერხემალი "ჯდება". დიდი ხანია მეცნიერებმა დაადგინეს, რომ დილაობით ოდნავ მაღლები ვართ, ვიდრე საღამოს. და ზუსტად ასევე, ახალგაზრდობაში უფრო მაღლები ვართ, ვიდრე მოხუცებულობისას, რადგან აღმოჩნდა რომ ხერხემალის მალები არა მხოლოდ დღის მანძილზე, არამედ წლიდან წლამდე ჯდება. რატომ ხდება ეს და რა გავლენა აქვს ამას ჩვენს ჯანმრთელობასა და საერთო მდგომარეობაზე?


ძალიან ცოტა რაოდენობის ადამიანი ეწევა ისეთი ცხოვრებას, როდესაც მათი ხერხემალი თავის ფუნქციას ასრულებს, იმას, რაც ბუნებითაა განსაზღვრული, უფრო ზუსტად რომ ვთქვათ – გაუძლოს დატვირთვას სირბილის, ხტუნვის, ცურვის, ცხენზე ჯირითის დროს და ა.შ. ადამიანების უმეტესობა დღის მანძილზე ერთფეროვან მოძრაობებს აკეთებს, და ეს მოძრაობები სულაც არ არის საკმარისი ხერხემლის ჯანმრთელობის შესანარჩუნებლად.


image


ჩვენი ორგანიზმი შემდეგნაირადაა მოწყობილი: ის ორგანო რომელიც არ არის დატვირთული, უფრო ნაკლებ სისხლს იღებს, შესაბამისად, უფრო ნაკლებ ჟანგბადსა და მკვებავ ნივთიერებებს, რაც იმას ნიშნავს, რომ ყველა პროცესი მასში ნელდება. ხერხემლის მალთაშუა დისკები და ხრტილები კი უნდა იყოს მკვრივი და ელასტიური. როდესაც დღის მანძილზე სათანადოდ არ იტვირთება და ძირითადად უძრავადაა, აღდგენითი პროცესები მასში ძალიან ნელა მიმდინარეობს. ერთი სიტყვით, დაბერება იწყება.

თუ მალთაშუა დისკები ბრტყელი და არაელასტიურია, მალები ერთმანეთს აწვება და ეხახუნება, რაც თავისთავად ტკივილს იწვევს. ხერხემლის შიგნით, მოგეხსენებათ, ზურგის ტვინია, საიდანაც ნერვები ჩვენი სხეულის ყველა ორგანოსთან მიდის. ის შეადგენს ჯამში 31 წყვილს: აქედან 8 კისრის, 12 – მკერდის, 5 - წელის, 5 – გავის და ერთი – კუდუსუნის. ისინი გადიან მალთაშუა ხვრელებს, რომელსაც ხერხემლის მალები ქმნის. როდესაც მალებს შორის დაშორება მცირდება (მალთაშუა დისკების დეფორმაციის გამო), ნერვები იჭყლიტება. ნებისმიერი ნერვი კი რომელიმე ორგანომდე მიდის. შედეგად კი იმას ვიღებთ, რომ ხერხემალი მოკლდება, მალები ერთმანეთზე "ჯდება, " რაც იმას ნიშნავს, რომ ამას უსათუოდ რომელიმე ორგანოს ტკივილი მოჰყვება.

image


თუ პრობლემა ხერხემლის კისრის მიდამოშია, პირდაპირ თავის ქალის ძირში – პაციენტს ძლიერი თავის ტკივილები აქვს, თუ ცოტა უფრო ქვემოთ – შესაძლოა გაჩნდეს მხედველობასთან დაკავშირებული პრობლემები, ხერხემლის მკერდის ნაწილში – ცუდად მუშაობს კუჭი, ღვიძლი და გული, ცოტა უფრო ქვემოთ –ნაწლავები და თირკმელები, კიდევ უფრო ქვემოთ კი – სასქესო ორგანოები. გაწამებული ადამიანი ჯერ ერთ ექიმთან მიდის, შემდეგ მეორესთან, მესამესთან და თითოეული მათგანი თავისი განხრით რაღაცას პოულობს. გამოდის, რომ ადამიანს ათობით დაავადება აქვს. სინამდვილეში კი ამ ყველაფერში ხერხემალია დამნაშავე. ისეც ხდება, რომ ექიმები ვერაფერს პოულობენ, პაციენტი კი თავს ფიზიკურად სუსტად გრძნობს, ამ შემთხვევაშიც პრობლემა ხერხემალში უნდა ვეძიოთ.


გთავაზობთ პოლ ბრეგის მიერ შემუშავებულ 5 ვარჯიშს, რომელიც ხერხემლის სხვადასხვა ნაწილზე ახდენს გავლენას. ყველა ვარჯიში ერთ ჯერზე უნდა გააკეთოთ. შეგიძლიათ ვარჯიშებს შორის შეისვენოთ.



imageვარჯიში #1: აღნიშნული ვარჯიში უშუალოდ ეხება ხერხემლის ზედა ნაწილს, აქ გამავალი ნერვები გავლენას ახდენს თავზე, თვალებზე და კუჭ-ნაწლავის მუშაობაზე. შედეგად, ვარჯიში მოგიხსნით თავის ტკივილს, თვალების დაძაბულობას, საჭმლის მონელებასთან დაკავშირებულ პრობლემებს.

საწყისი მდგომარეობა: დაწექით სახით იატაკისკენ. დაილაგეთ ხელები მკერდის ქვეშ, ფეხები კი გაწიეთ მხრების სიგანეზე. ახლა, ნელა ასწიეთ მენჯი ისე, რომ დაეყრდენით მხოლოდ ხელის გულებსა და ფეხის თითებს. თქვენი მენჯი თავზე ზემოთ უნდა იყოს. თავი ქვემოთაა, ხელები და ფეხები კი გამართული უნდა იყოს. ზურგს მიეცით თარისებური ფორმა. შემდეგ, დასწიეთ მენჯი იატაკამდე ისე, რომ ხელები და ფეხები არ მოხაროთ. ახლა ასწიეთ თავი და უკან გადახარეთ.


ვარჯიშის დროს არ იჩქაროთ. ეცადეთ, მენჯი დასწიოთ მაქსიმალურად ქვემოთ და ასწიეთ ისე ზემოთ, როგორც შეძლებთ. ამ ვარჯიშის მიზანია ხერხემლის გაწელვა და მალების თავის ადგილზე ჩასმა.


დასაწყისისთვის, ვარჯიში გაიმეორეთ 2 - 4 -ჯერ. დროთა განმავლობაში გაზარდეთ 8 – 12-მდე. თუ ამ ვარჯიშს სწორედ გააკეთებთ, მალევე ნამდვილად იგრძნობთ შვებას.


imageვარჯიში #2: ეს ვარჯიში ხერხემლის იმ ნაწილისთვისაა, რომელიდან გამომავალი ნერვები აკონტროლებს ღვიძლს, ნაღვლის ბუშტს და თირკმელებს. ვარჯიში შეგიმსუბუქებთ ამ ორგანოებთან დაკავშირებულ პრობლემებს და ხელს შეუწყობს მათი მდგომარეობის გაუმჯობესების პროცესს.

ეს ვარჯიში ისეთივე პოზიციით იწყება, როგორც ვარჯიში #1. როდესაც მენჯს ზემოთ ასწევთ და ზურგს თაღისებურ ფორმას მისცემთ, შემდეგი რამ გააკეთეთ: გადახარეთ მენჯი ჯერ მარცხნივ და დასწიეთ ქვემოთ იმავე მხარე როგორც შეძლებთ, შემდეგ იგივე მოძრაობა გაიმეორეთ მარჯვნივ. ხელები და ფეხები მუხლებში არ მოხაროთ. გააკეთეთ ვარჯიში ნელა. წარმოიდგინეთ რომ ყოველი გადატრიალებისას თქვენი ხერხემალი უფრო და უფრო იწელება. ხერხემლის გაწელვები და ტრიალი კომბინირებულად ეხმარება მალებს თავისი ბუნებრივი პოზიციის დაკავებას.


თავიდან ეს მოძრაობა საკმაოდ რთულად და დამღლელად მოგეჩვენებათ. გააკეთეთ 2 – 4-მდე. დროთა განმავლობაში უფრო გაგიადვილდებათ კუნთოვანი სისტემის განვითარების და ხერხემლის არხში გამავალი ნერვების გაძლიერების ხარჯზე. თანდათან გაზარდეთ გამეორება 8 – 12-მდე.




imageვარჯიში #3: წინა ვარჯიშები ხერხემლის კუნთებსა და იოგებს მნიშვნელოვნად ჭიმავს. ამ ვარჯიშის მიზანი კი ხერხემლის სრული რელაქსაციაა. ვარჯიში ახდენს ყოველი ნერვული ცენტრის სტიმულირებას. ამას გარდა, ხერხემლის მენჯის ნაწილში დიდ შვებას იგრძნობთ.

აღნიშნული ვარჯიშის ერთ-ერთი მნიშვნელოვანი მახასიათებელი თვისებაა ხერხემლის იმ კუნთების გაძლიერება, რომელიც ინარჩუნებს წაგრძელებულ ფორმას და ამაგვარად ხელს უწყობს ინტერვერტებრული ხრტილის აღდგენას.


საწყისი მდგომარეობა: დაჯექით იატაკზე, ხელები უკან გასწიეთ და ისე რომ არ მოხაროთ, დაეყრდენით ხელის გულებით იატაკს; მოხარეთ ფეხები, შემდეგ ასწიეთ მენჯი და ჰორიზონტალურად გაუსწორეთ იატაკს, შემდეგ დაუბრუნდით ისევ საწყის პოზიციას. გირჩევთ ეს ვარჯიში გააკეთოთ სწრაფად. გაიმეორეთ 6 – 8-ჯერ საწყის ეტაპზე, თანდათან გაზარდეთ 12 – 18-მდე.



imageვარჯიში #4: ეს მოძრაობა განსაკუთრებულ ძალას მატებს ხერხემლის იმ ნაწილს, სადაც გადის ის ნერვები, რომელიც კუჭს აკონტროლებს. ვარჯიში ასევე ეფექტურია მთლიანი ხერხემლისთვის, რამდენადაც ხელს უწყობს მის გაძლიერებს. ის წელავს ხერხემალს და ათავისუფლებს მალებს შორის მოყოლილი ნერვის ფესვებს, შედეგად მთელ სხეულს ნორმალურ, მუშა და ჯანმრთელ მდგომარეობაში აბრუნებს


საწყისი მდგომარეობა: დაწექით იატაკზე ზურგით, ხელები დაალაგეთ გვერდებზე. მოხარეთ მუხლები და მიიტანეთ მკერდთან ხელებით. ახლა ისე იმოძრავეთ თითქოს გსურთ რომ გასწიოთ მუხლები და ბარძაყები მკერდიდან, ხელებით კი კვლავ აწვებით მკერდისკენ. ამავდროულად ასწიეთ თავი და ეცადეთ ნიკაპით მუხლებს შეეხოთ. ამ მდგომარეობაში 2 – 5 წამი გაჩერდით. ამ ვარჯიშით გაიძლიერებთ არა მხოლოდ მუცლის კუნთებს, არამედ ზურგის ღრმა კუნთებსაც ხერხემლის შესაბამის ნაწილში. გაიმეორეთ 2 – 4-ჯერ.


imageვარჯიში #5: ოთხზე სიარული. პოლ ბრეგი ფიქრობდა, რომ ეს ვარჯიში ერთ-ერთი ყველაზე მნიშვნელოვანია ხერხემლის კუნთების გასაძლიერებლად. ის მოიცავს ხერხემლის იმ ნაწილს, რომლიდან გამომავალი ნერვები პასუხისმგებელია მსხვილი ნაწლავის გამართულ მუშაობაზე.

საწყისი მდგომარეობა: დადექით ოთხზე: ხელები და მუხლები არ მოხაროთ, ზურგს თაღისებური ფორმა მიეცით, მენჯი ზემოთ ასწიეთ, თავი – ქვემოთ. ახლა ამ მდგომარეობაში იარეთ ოთახში. ფეხები და ხელები არაფრით მოხაროთ სიარულისას. ეს ვარჯიში იდეალურია ხერხემლის დასაჭიმად და დისკების თავის ადგილზე ჩასასმელად.


პოლ ბრეგის რეკომენდაცია – ზემოთ მოცემულ ვარჯიშებს ყველა ადამიანი ინდივიდუალურად მიუდგეს საკუთარი ფიზიკური უნარის გათვალისწინებით. დაიწყეთ თითოეული ვარჯიშის 2 - 3-ჯერ გამეორებით. ერთი დღის შემდეგ შეგიძლიათ 5-მდე გაზარდა ან უფრო მეტად.


რამდენიმე დღეში თქვენი კუნთები გაძლიერდება, ხერხემალი და სვეტის იოგები უფრო მოქნილი გახდება. ცოტა ხანში უკვე მარტივად შეძლებთ თითოეული ვარჯიშის 10 – 12-ჯერ გამეორებას.


რაც შეეხება სიხშირეს, ბრეგი გირჩევთ ვარჯიშების ეს ნაკრები გააკეთოთ ერთად ყოველ დღე. მას შემდეგ რაც თქვენი ხერხემლის მდგომარეობა საგრძნობლად გაუმჯობესდება, შეამცირეთ ვარჯიში კვირაში 2 დღემდე. ეს საკმარისი იქნება ხერხემლის მოქნილობის შესანარჩუნებლად. ზემოთ თქმულის გათვალისწინებით, უკვე ერთ კვირაში შეამჩნევთ ხერხემლის მდგომარეობის გაუმჯობესებას, 2 – 3 კვირაში კი ეს პროცესი მუდმივი გახდება.


თუმცა, მხედველობაში იქონიეთ, რომ ხერხემალში პათოლოგიური ცვლილებების ჩამოყალიბებას წლები სჭირდება, შესაბამისად, ერთ დღეში ვერ შეძლებთ ყველაფრის გამოსწორებას. იყავით მომთმენები და მიზანდასახულები. რეგულარული ვარჯიში მოახდენს ხერხემლის ხრტილის აღდგენას და მისი ზრდის სტიმულირებას, რაც თავის მხრივ მოქნილი და ჯანმრთელი ხერხემლის გარანტია.



ასევე დაგაინტერესებთ:



დააჭირეთ ხელი სხეულის ამ 3 წერტილს და დაემშვიდობეთ წელის ტკივილს


როგორ გავთავისუფლდეთ წელის და სახსრების ტკივილისგან უმარტივესი ვარჯიშით


7 დაავადება, რომელსაც მჯდომარე ცხოვრების წესი იწვევს. რა უნდა გავაკეთოთ ამის თავიდან ასაცილებლად


რა კავშირია ხერხემალსა და ჩვენი სახის ახალგაზრდობას შორის. ის, რაც აქამდე არ იცოდით!


თხილეულისა და ჩირის ნაზავი – სასარგებლოა ხერხემლისთვის


5 მნიშვნელოვანი ფაქტი ხერხემლის შესახებ, რომელიც უნდა ვიცოდეთ


5 ვარჯიში ხერხემლისთვის, რომელიც ტკივილისგან გაგათავისუფლებთ

0
975
7-ს მოსწონს
ავტორი:Lerato
Lerato
975
  
კომენტარები არ არის, დაწერეთ პირველი კომენტარი
0 1 0