უკვე დიდიხანია, რაც რუსთავის მოსახლეობა მერიისგან ელის რეაგირებას. ქალაქში სხვა უამრავ პრობლემასთან ერთად მაცხოვრებლებს კიდევ, ყველაზე მძიმე და ჯერ კიდევ აღმოუფხვრელი პრობლემა დაემატა.ქარხანა-საწარმოების სამუშაოების შედეგად, ფილტრებისა და გაუმართავი ტექნიკის გამო, ჰაერში მყარი ნაწილაკების რაოდენობამ სახიფათო დონემდე აიწია. ეს ყოველივე საშიშია, როგორც ქალაქის მაცხოვრებელთათვის, ისე მეზობელი ქალაქებისათვის.
შესაძლოა, მალევე ეს მავნე, მხუთავი ჰაერი დედაქალაქშიც აღმოჩნდეს.
მყისიერი რეაგირება არ მოჰყოლია ქალაქის მერიისა და გარემოს დაცვის სამინისტროსაგან.
ამასობაში, შეიქმნა მოძრაობა "გავიგუდეთ", რომელიც ცდილობს, მშვიდობიანი გზებით, გააპროტესტოს, მიაწვდინოს ხმა უწყებებს, რომლებიც პასუხისმგებლები არიან ამ ყოველივეზე.
მოგმართავთ ყველას, რუსთავის მაცხოვრებლებსა და მეზობელ მუნიციპალიტეტებს. 3 ნოემბერს, 16:00 საათზე, მერიის წინ, მშვიდობიანი მანიფესტაცია.
იხილეთ ფოტომასალა :