სილამაზე, სიჯანსაღე და გრაცია ყოველთვის იქცევდა ქალების და მამაკაცების ყურადღებას. ვინ შეიძლება სჯობდეს სპორტსმენ გოგონას?-გოგონა, რომელსაც შეუძლია თავიც დაიცვას და ბრძოლას არ შეუშინდეს.

1.ქალთა შერეული საბრძოლო ხელოვნების ლეგენდა რონდა როუზი

ამ გოგონამ თავისი სპორტული კარიერა ძიუდოთი დაიწყო. სპორტის სიყვარული მას დედამ ჩაუნერგა, რომელიც თავის მხრივ ასევე ძიუდოთი იყო გატაცებული და წარმატებებიც ჰქონდა ამ სპორტში. მან პატარაობიდანვე მიაჩვია როუზი ვარჯიშს. 17 წლის როუზი უკვე ძიუდოს ოლიმპიურ გუნდში ირიცხებოდა და მონაწილეთა შორის ასაკით ყველაზე პატარა იყო.

რიო დე ჟანეიროში გამართული მსოფლიო ჩემპიონატზე მან ვერცხლის მედალი აიღო, პეკინის ოლიმპიადაზე კი ბრინჯაოს მედალი.

ამ წარმატებების შემდეგ როუზმა გადაწყვიტა ბედი ოქტაგონზეც ეცადა, როცა ქალთა შერეული საბრძოლო ხელოვნება ის-ის იყო ფეხს იკიდებდა. მან აქაც წარმატებას მიაღწია და ორგანიზაცია სტრაიკფოქსის ჩემპიონი გახდა. ამის შემდეგ ის Ultimate Fighting Championship-ში გადავიდა და იქაც საკმაოდ დიდხანს ინარჩუნებდა ჩემპიონის ტიტულს. დღეს ის რესტლინგითაა დაკავებული და ფილმებშიც მონაწილეობს.

2.ბრაზილიელი დერნ მაკკენზი

ჯიუ-ჯიცუს მსოფლიო ჩემპიონი დერნ მაკკენზი აშშ-ში დაიბადა, სპორტულ ოჯახში. მამამისი-ველინგტონ “მეგატონ" დიასი გოგონას ადრეული ასაკიდან ავარჯიშებდა ჯიუ-ჯიცუში. 6 წლის გოგონა უკვე შეჯიბრებებში იღებდა მონაწილეობას, ხოლო 24 წლის ასაკში მსოფლიო ჩემპიონატზე გამოვიდა და ოქროს მედალიც მოიპოვა.

16 წლისამ იუნიორთა რიგები დატოვა და ზრდასრულ მოწინააღმდეგეებს ხვდებოდა რინგზე. 52 კგ დერნმა გაბი გარსიას დამარცხებაც კი შეძლო, რომელიც მასზე მთელი 40 კგ-ით იყო მძიმე.ის არის მსოფლიოს მრავალგზის ჩემპიონი ჯიუ-ჯიცუში, Abu Dhabi World Pro-ს გამარჯვებული და IBJJF-ის რეიტინგში რამდენიმე წელი პირველობას ინარჩუნებდა. ამჟამად შერეული ორთაბრძოლებითაა დაკავებული, მის ანგარიშზე 7 მოგებაა და არცერთი წაგება.

3.კირა გრეისი - გრეისების ყოვლისშემძლე კლანიდან

ბრაზილიურ ჯიუ-ჯიცუში გრეისების კლანი ცნობილია. სწორედ გრეისების კლანმა მისცა მსოფლიოს ყველაზე მეტი რაოდენობის მებრძოლი, როგორც ორთაბრძოლის ძირითად სახეობაში, ისე ოქტაგონზე. კირა გრეისი პირველი ქალია ამ კლანიდან, რომელმაც ჯიუ-ჯიცუში მსოფლიო ჩემპიონობა მოიპოვა და 24 წლის ასაკში შავი ქამრის მფლობელი გახდა.

ამჟამად ის ჯიუ-ჯიცუში ოთხგზის მსოფლიო ჩემპიონი, ბრაზილიის ხუთგზის ჩემპიონი და გრეპლინგის სამგზის ჩემპიონია.

ცოა ხნის წინ ხმა გავრცელდა, რომ ის ძალებს კრივშიც მოსინჯავს. შერეულ ორთაბრძოლებში ის ჯერჯერობით არ გამოჩენილა, თუმცა ინტერვიუებში ხშირად ახსენებს, რომ ამ თემით დაინტერესებულია.უნდა აღინიშნოს, რომ გრეისის ფოტოგადაღებაც იტაცებს და მის ალბომში ბევრი პიკანტური ფოტოცაა.

4.სამბისტი მარინა მოხნატკინა

შერეული ორთაბრძოლების ლამაზმანების უმრავლესობისგან განსხვავებით მარინა ორთაბრძოლებით ბავშობიდან არ დაინტერესებულა, თუმცა სპორტული ბავშვი იყო და ათლეტიზმს მისდევდა. 14 წლისა უკვე სპორტის ოსტატი იყო შორ დისტანციაზე რბენაში.

სამბოთი ის 2004 წელს დაინტერესდა. მასთან ერთად სექციაში კიდევ 15 გოგონა მივიდა, მაგრამ საბოლოოდ მხოლოდ მარინა დარჩა ბოლომდე.თუმცა ამას თავისი დადებითი მხარეც ჰქონდა: სპარინგში მარინა მამაკაცებს ხვდებოდა, რაც დადებითად აისახა მის ფიზიკურ მომზადებაზე. სპორტსმენი აღიარებს, რომ ძალიან უჭირდა და ცრემლებსაც ღვრიდა, სამაგიეროდ, მეტოქე ქალებთან გამარჯვების მოპოვებას უკვე იოლად ახერხებდა.

რუსეთის შვიდგზის ჩემპიონი, მსოფლიოს ექვსგზის ჩემპიონი და ევროპის ორგზის ჩემპიონი სამბოში - ამჟამად შერეული ორთაბრძოლებითაა დაინტერესებული.

5.რომი ტარანგული-ძიუდოს და “ფლეიბოის" ვარსკვლავი

რომი 8 წლიდან მისდევს სპორტს. სწორედ ამ ასაკში შეიყვანეს ის მშობლებმა ძიუდოს სექციაში. ჯერ კიდევ მოზარდი იყო, როცა მსოფლიო ჩემპიონის ტიტული მოიპოვა, ხოლო როცა სრულწლოვანი გახდა- უკვე ძიუდოს ვ არსკვლავად ითვლებოდა.

მის ანგარიშზეა ევროპის ჩემპიონატის ვერცხლი, მსოფლიო ჩემპიონატის ბრინჯაო და ევროპის ჩემპიონატის ბრინჯაო.რომიმ თავი ეროტიკულ ფოტომოდელადაც მოსინჯა. 2008 წელს მას “ფლეიბოის" ფოტოსესიაში მონაწილეობა შესთავაზეს და უამრავი მამაკაცის გულის გასახარად მას უარი არ უთქვამს ამ შემოთავაზებაზე.

თუ რომი სპორტულ კარიერას თავს დაანებებს, თავისი გარეგნული მონაცემების წყალობით ნამდვილად არ დაიკარგება.

6.რეიჩელ ოსტოვიჩი-შერეული ორთაბრძოლების ვარსკვლავი

რეჩელიც სპორტულ ოჯახში დაიბადა და ადრეული ასაკიდან დაინტერესდა ძიუდოთი, თუმცა მისი მიღწევები გაცილებით მოკრძალებულია ამ სპორტში. მან მხოლოდ თავისი შტატის ჩემპიონობა შეძლო.

გოგონამ გადაწყვიტა ძიუდოდან Ultimate Fighting Championship-ში გადასულიყო, სადაც მის ანგარიშზე 4 მოგება და 4 წაგება ჩაიწერა.ცოტა ხნის წინ ის სკანდალში გაეხვა. მას ქმარმა, ასევე შერეული ორთაბრძოლების მებრძოლმა, სცემა და სერიოზული დაზიანებები მიაყენა, რის გამოც რეიჩელმა ორთაბრძოლებში მონაწილეობა ვეღარ მიიღო.რეიჩელი თავისი ექსტრავაგანტურობითაცაა ცნობილი. ერთ სპორტულ ღონისძიებაზე ის ქალი-საოცრებას კოსტიუმით გამოცხადა და მკერდი სილიკონის იმპლანტებით გაიდიდა.