38 წლის ვარსკვლავი კიმ კარდაშიანი ამჟამად სომხეთში იმყოფება.რა დროსაც მოდელმა რამდენიმე რეზონანსული განცხადება გააკეთა.

რეალიტი შოუს მონაწილე ყოველთვის ხაზგასმით აღნიშნავდა, რომ მას განსაკუთრებული კავშირი აქვს სომხეთთან მამის, რობერტის მხრიდან, რომლის ფესვებიც ამ ქვეყნიდან მოდის.

კარდაშიანის სომხეთში ამჟამინდელი ვიზიტი განსაკუთრებულია, მოდელმა ყოველი გამოსვლა წინასწარ გულმოდგინედ მოამზადა.პირველ დღეს კიმი სომეხ საზოგადოებას ნაცრისფერ ტონებში გაწყობილი სამოსით წარუდგა, მეორე დღეს კი მთლიანად თეთრები არჩია, თეთრი ტოპი, თეთრ შარვალ -კოსტუმთან ერთად.

ყველაზე მნიშვნელოვანი და მოულოდნელი იყო პრესკონფერენციაზე კიმ კარდაშიანის მეუღლის, კენი უესტის განცხადება :

"ჩემთვის მნიშვნელოვანია სომხეთში სამუშაო ადგილების შექმნა და ადგილობრივი ხაზინის შევსება. ეს თანხა შეიძლება იყოს ძალიან მნიშვნელოვანი ქვეყნის ბიუჯეტისთვის. უახლოეს მომავალში მინდა დავიწყოთ სუნამოების წარმოება, რომელიც დაფუძნებული იქნება სომხური ყვავილების არომატზე. ”-განაცხადა კენი უესტმა.

მანამდე კი კარდაშიანმა ეჩმიაძინში საიდუმლოდ მონათლა სამივე შვილი:სამი წლის სიანტა, ერთი წლის ჩიკაგო და ოთხი თვის პსალმა.

კიმ კარდაშიანის სომხეთში ვიზიტის ძირითადი მიზეზი ორი რამ იყო: მოენათლა უმცროსი შვილები ისტორიულ სამშობლოში და მიეღო მონაწილეობა საინფორმაციო ტექნოლოგიის 23-ე მსოფლიო ფორუმზე.