რეალითი შოუს Keeping Up With The Kardashians-ის მონაწილეები კორტნი კარდაშიანი და კიმ კარდაშიანი ერთმანეთს ტიერი მიულერის კაბის გამო დაუპირისპირდნენ.

გუშინდელ გადაცემაში კიმმა ცნობილი ბრენდის ლურჯი ლატექსის კაბა მოიზომა და მიიღო გადაწყვეტილება, რომ წლევანდელ Met Gala-ზე მსგავსი ჩაცმულობით გამოცხადებულიყო.

მიუხედავად იმისა, რომ საშინლად მოუხერხებელი ტანსაცმელი მის სხეულს ტკივილსაც კი აყენებდა, იგი მზად იყო ორიგინალური ჩაცმულობის გამო თავი გაეწირა.

კაბის ჩაცმის შემდეგ, თვითკმაყოფილმა კიმმა სურათი გადაიღო და კორტნი კარდაშიანს გაუგზავნა, თან ჰკითხა, რა აზრის იქნებოდა კორტნის 40 წლის იუბილეზე რომ ჩაეცვა ეს მოხდენილი კაბა?!

კორტნიმ სურათის ნახვის შემდეგ დასცინა და უთხრა, რომ კიმი Nicki Minaj-ს აგონებდა ჰელოუინის კოსტიუმით და ურჩია, რომ აღნიშნული ტანსაცმელი 31 ოქტომრისთვის, ჰელოუინის დღისთვის შემოენახა.

დებს შორის კონფლიქტი კორტნის ამ კომენტარს მოჰყვა. კიმმა აღნიშნა, რომ კორტნი ყოველთვის “აკოპირებდა" მის სტილს და ამჯერად მისი შეფასება, კიმისა და ტიერი მიულერის შეურაცხყოფა გახლდათ.

კორტნიც არ ჩამორჩა და კიმის სიტყვები ცილისწამებად შეაფასა.

დიდი ჩხუბის შემდეგ, კორტნიმ ბოდიში მოიხადა და განაცხადა, რომ წარმოდგენა არ ჰქონდა რისთვის ამზადებდა აღნიშნულ ტანისამოსს კიმი და არ იცოდა, თუკი კიმთან საუბრისას ოთახში ტიერი მიულერის გუნდის წევრებიც იმყოფებოდნენ.