დედამიწაზე არსებობს ცხოველთა 8, 7 მილიონ სახეობაზე მეტი, რომელთაგან თითოეულს აქვს თავისი ჩვევები და თავისებურებები. მაგალითად, იცოდით, თუ არა, რომ ზღვის სპილოს შეუძლია 2 საათით სუნთქვის შეკავება, ყველა თეთრი დათვი კი დაბადებიდან ცაციაა? ცხოველთა სამეფო მრავალ საიდუმლოს ინახავს, რომელთა გაცნობა ჯერ კიდევ წინ გვაქვს.

მერწმუნეთ, ქვემოთ მოყვანილი ფაქტების მიმართ გულგრილობას ნამდვილად ვერ გამოიჩენთ.

ირბისი კუდს პირით ატარებს. ამ გზით იგი ცხვირს სიცივისგან იცავს.

ზრდასრული მექვიშეები უფრო მეტად ეფერებიან ერთმანეთს, როდესაც მათ მაყურებელი ჰყავთ, ხოლო ახალგაზრდები პირიქით, აგრესიას იჩენენ.

ვეფხვის ბეწვზე ზოლები უნიკალურია ისევე, როგორც ადამიანის თითის ანაბეჭდები.

კოღოებს უყვართ ნასვამი ადამიანების კბენა. ეს დაკავშირებულია ფაქტთან, რომ მწერებს ძალიან იზიდავს ოქტანოლის (ნივთიერება, რომელიც ცხიმიანი სპირტების კლასს მიეკუთვნება) სუნი.

მაჩვის სოროებში არის სპეციალური „ოთახი“, რომელიც საპირფარეშოს ფუნქციას ასრულებს.

ალბატროსს ფრენის დროს ძილი შეუძლია: მისი ტვინის ერთი ნახევარი ისვენებს, მეორე კი აკონტროლებს, რომ ფრინველი ჰაერში დარჩეს.

ოპოსუმები მტაცებლის თავდასხმის დროს თავის მკვდრად მოჩვენება სჩვევიათ.

გაწვრთნილ მტრედებს შეუძლია პიკასოსა და კლოდ მონეს ფერწერის გარჩევა. ექსპერიმენტმა აჩვენა, რომ ფრინველების ტვინი ასევე აზოგადებდა ინფორმაციას და პოულობდა განსხვავებას ნახატებზე, რომლებსაც მტრედები პირველად ხედავდნენ.

ფლამინგო რუხი ბუმბულით იბადება, ვარდისფერი კი ხდება იმის გამო, რომ კრევეტით იკვებება.

მარტორქას რქა შედგება კერატინისგან, რომელსაც თმა და ფრჩხილები შეიცავს.

თქვენ თუ იცით რაიმე უცნაური ფაქტი ცხოველების შესახებ?