ხო, და ადამიანებო, ნუ დაჭამთ და აწყენინებთ, ნუ გადაეკიდებით და დაკარგავთ ერთმანეთს მათ გამო. თქვენი როლი ნაც-ქოცურ პროექტში მხოლოდ ავი ძაღლის როლია, დანიშნულება კი ყეფა-ღრენა. კარგად გახსოვდეთ, საკმარისად ყეფის შემდეგ მხოლოდ პანღური მოგხვდებათ, ან შეიძლება პანღურს ალიყური უძღოდეს წინ.

როგორც გითხარით, თქვენი დანიშნულებაა იყეფოთ, მათი დანიშნულება კი, ამ ყეფის შედეგად შექმნან ილუზია, საქართველოში ორი დაპირისპირებული პოლიტიკური ძალის შესახებ, რის საფუძველზეც ნანატრ აქტიურობას იღებენ არჩევნებზე, რაზეც თქვენ, არ ან ვერ ფიქრობთ, სამწუხაროდ.

დიახ, მეტი დანიშნულება თქვენ არ გაქვთ და დაფიქრდით, გსურთ, მათი ჯიბის ძაღლები იყოთ? როცა მოუნდებათ გაყეფონ და როცა მოუნდებათ ერთ ადგილში პანღური გითავაზონ? უამრავი რამის გადმოცემა შეიძლება ამ თემაზე, მაგრამ ყველაფრის აქ დაწერა არ შეიძლება.

ყოველ თვენგანს შეგიძლიათ გჯეროდეთ სააკაშვილისა და ივანიშვილის მტრობის ამბავი და იყოთ მათი მყეფარა ფინიები, ან არ დაიჯეროთ ეს ყველაფერი, გაიაქტიუროთ ანალიტიკური აზროვნება და მონაწილეობა მიიღოთ საკუთარი სახელმწიფოს (ჯერ) შექმნაში, შემდეგ კი მართვაში.

არჩევანი თქვენზეა. " - წერს პუბლიცისტი გიორგი მაჭარაძე