უკვე რამდენიმე კვირაა ია ფარულავას სკანდალური გადაცემა „ფარული კონვერტი“ ეთერში არ გასულა. ამის შესახებ განმარტებები თავად გადაცემის წამყვანმა გააკეთა. ია აღნიშნავს, რომ გადაცემა, რომელიც ეთერში ორშაბათობით გადიოდა, მეგა შოუ „მხოლოდ ქართულმა“ ჩაანაცვლა. უფრო სწორად, მუსიკალური გადაცემა თავის ტრადიციულ დროს დაუბრუნდა, „ფარული კონვერტი“ კი საეთერო ბადის მიღმა დარჩა.

გადაცემის წამყვანი სოციალურ ქსელში წერს, რომ გადაცემა მომავალ წელს აღდგება, სავარაუდოდ, მუსიკალური კონკურსის დასრულების შემდეგ.

„გადაცემა "ფარული კონვერტი" ეთერში გავა ახალი წლების მერე, იანვარში
(თუ კიდევ გახსოვთ ასეთი გადაცემა). გადაცემა ''ფარული კონვერტი ია ფარულავასთან ერთად'' ეთერში ახალი წლის შემდეგ დაბრუნდება. მას შემდეგ, რაც მეგა პროექტი ''მხოლოდ ქართული'' დასრულდება. წინ ბევრი საინტერესო გადაცემა გელოდებათ. დაგველოდეთ, “ - წერს ფარულავა და ფაქტობრივად ადასტურებს, რომ შეჩერების მიზეზი „მხოლოდ ქართული“ გახდა.