ტრიკოტაჟის ლურჯი და თეთრ ზოლებიანი მაისური, უკვე დიდი ხანია, რაც კლასიკად ითვლება. ამ ზოლებს, თითქოს მაგიური ძალა აქვს, ადამიანის თვალს იზიდავს და ნუსხავს. პატრონს კი სიხარულს ანიჭებს, ყოველდღიური სტილის ფორმირებისას, რადგან სამოსის ეს ელემენტი, ერთნაირად კარგად ეწყობა, როგორც კლასიკურ პიჯაკს, ისე სპორტული სტილის ქურთუკს.

XX საუკუნემდე, ზოლებიანი მაისურები მხოლოდ სამხედრო ფორმის ნაწილი იყო, ხოლო გასული საუკუნის II ნახევარში, ის თანდათანობით მოდური სამოსის კატეგორიაში გადავიდა.
კოკო შანელი იყო პირველი, ვინც ზოლებიან მაისურს მიაქცია ყურადღება და თავის კოლექციაში, მოდერნიზებული საზღვაო მაისურები წარმოადგინა, რომლებსაც ჩვენების შემდეგ, იმ პერიოდის, სტილის კერპები – მერლინ მონრო, ბრიჯიტ ბარდო, ედი სედგვიკი, ოდრი ჰეპბერნი და სხვა ცნობილი ადამიანები ატარებდნენ.

ზოლიანი მაისურების ყველაზე დიდ «თაყვანისმცემლად» ჟან-პოლ გოტიე ითვლება, რომელმაც ერთხელ აღნიშნა: «მეზღვაურთა მაისური – ეს უფრო მეტია, ვიდრე გარდელობის უბრალო ნივთი. ეს ყველაზე თავისუფალი და რომანტიკული ნივთია, ჩემთვის ცნობილ ნივთებს შორის». გოტიემ ზოლებიანი სამოსი თავისი ბრენდის სიმბოლოდ აქცია: ის თავადაც ატარებდა ზოლებიან ტანსაცმელს და თავის თანამშრომლებსაც სთხოვდა, რომ მოდის კვირეულის მანძილზე, ზოლებიანი ტანსაცმელი ეტარებინათ.

გოტიეს სხვა დიზაინერებმაც მიბაძეს. ბოლო წლებში ზოლებიანი ტანსაცმელი მოდის უცვლელ ტრენდად იქცა. მას განსაკუთრებით დიდი ადგილი, თავიაანთ კოლექციებში, ისეთმა დიზაინერებმა დაუთმეს, როგორებიც არიან: Moschino, Dolce & Gabbana, Michael Kors, Tommy Hilfiger, Oscar de la Renta და Marc Jacobs.

ქვემოთ წარმოდგენილია ზოლებიანი მაისურის სხვა ტანსაცმელთან ერთად ტარების 5 საუკეთესო კომბინაცია:

1. ზოლიანი მაისური + ლაბადა (გრძელი კარდიგანი) + მუქი ქვედაბოლო

2. ჯინსის კომბინიზონი + კალასიკური პიჯაკი

4. ჯინსის შარვალი + ზოლიანი მაისური + შესაფერისი ფერის შარფი

მთავარი კი ის არის, რომ ინდივიდუალობა არ დაკარგოთ და მოდის ყველა მიმდევრისთვის, საკუთარი ზოლები მოიძებნება…

ზაფხულის ცხელ დღეებში კი, შეგიძლიათ კომბინაციებზე ფიქრით თავი არ დაიღალოთ და ზოლებიანი კაბა ჩაიცვათ, რომელიც ამ სეზონზე, ისევ მოდაში შემოვიდა. ამასთან, კაბის სტილს და სიგრძეს, მნიშვნელობა არა აქვს.