ვარკეთილის მესამე მიკრორაიონში, სუხიშვილის ქუჩაზე „ლიბერთი ბანკის“ ფილიალის დაყაჩაღების საქმეზე სამი პირი დააკავეს. ინფორმაცია შსს-ში გამართულ ბრიფინგზე გახდა ცნობილი.

ბანკის ვარკეთილის ფილიალი 19 აპრილს დააყაჩაღეს. მძარცველებმა იარაღის მუქარით 2030 ლარამდე თანხა გაიტანეს და მიიმალნენ.

პოლიციამ თავდამსხმელები თბილისში და ქუთაისში დააკავა. ძალოვნებმა ბანკიდან გატაცებული თანხა ნივთმტკიცების სახით ამოიღეს. სამივე მათგანი წარსულში ნასამართლევია.

სამინისტროს ცნობით, მომხდარზე გამოძიება სისხლის სამართლის კოდექსის 179-ე ყაჩაღობის მუხლის მეორე ნაწილით მიმდინარეობს, რომელიც ექვსიდან ცხრა წლამდე თავისუფლების აღკვეთას ითვალისწინებს.