ლოიდ ოჰანლო 26 წლის ავსტრალიელია, რომელმაც ქართული ხალხური სიმღერები პირველად მშობლიურ ქალაქ მელბურნში მოისმინა და გადაწყვიტა, რომ ქვეყანა, სადაც ეს მრავალხმიანი სიმღერები დაიბადა, აუცილებლად უნდა ენახა. ასე აღმოჩნდა საქართველოში. ლოიდი საქართველოში, ქედაში, სოფელ მერისში ცხოვრობს და ქართულადაც საუბრობს.

პირველად ბათუმში ჩამოვიდა, მერე მთიანი აჭარის ტურისას მერისი მოინახულა და ჯემალ თურმანიძის საოჯახო სასტუმროში დარჩა. „აჭარის ტელევიზიამ“ მასზე სიუჟეტი მოამზადა, რომელშიც საუბრობს ფეიხოას არყის გამოხდის შესახებ. ის ამბობს რომ ფეიხოასგან დამზადებული ყველაფერი უყვარს.


ის ამბობს რომ აჭარულ კილოზე ლაპარაკი ყანაში მუშაობის დროს ისწავლა. ის ამბობს, რომ ყველაფერი აჭარული უყვარს საჭმელიდან დაწყებული, სიმღერებით დამთავრებული. „ყანაში ინგლისური არ იყო და აჭარული ვისწავლე“, - ამბობს ოჰანლო.