დაბერებული სოფელი თავწყარო - სკოლის, ამბულატორიის, აფთიაქისა და მაღაზიის გარეშე (ვიდეო) 24 იანვარი 2019, 16:38:43
AUTO PLAY
დედოფლისწყაროს სოფელი თავწყარო - სადაც სკოლა, საბავშვო ბაღი, ამბულატორია, აფთიაქი და მაღაზია არ არსებობს, დაცლის საფრთხის წინაშეა. სკოლა 15 წლის წინ დაიხურა. საგანმანათლებლო დაწესებულებების არარსებობის გამო მხოლოდ მოხუცები შემორჩნენ. თავწყაროში 20 ოჯახი ცხოვრობს..პროდუქტების მომარაგება რაიონული ცენტრიდან უწევთ, თუმცა, სამარშრუტო ხაზი არ მოძრაობს, გადაადგილება გართულებულია. დედოფლისწყაროს მერიაში ამბობენ, რომ წელს სოფლის განვითარების პროგრამის ფარგლებში სოფელ თავწყაროსთვის 5 000 ლარი გამოიყო, რომელიც მერიამ გააორმაგა. თანხას ადგილობრივები საკუთარი სურვილით განკარგავენ და სოფლის კრებაზე აირჩევენ, რომელი პრობლემა მოგვარდეს. თვითმმართველობის ორგანოში მიიჩნევენ, რომ რა ბერკეტიც მერიას აქვს, ცდილობენ ყურადღება არ მოაკლონ. დედოფლისწაროს მერის, ნიკოლოზ ჯანიაშვილის განმარტებით, თავწყაროს ისტორიაში პირველად წელს ბუნებრივი აირი შევა, რაც მიგრაციული პროცესების შეჩერებას ხელს შეუწყობს.
140
|
40.00
k
100.00
k
|