2008 წლის 27 ნოემბერს, აგვისტოს ომიდან სამ თვეში, როდესაც რუსეთს უკვე აღიარებული ჰქონდა აფხაზეთისა და სამხრეთ ოსეთის დამოუკიდებლობა, საქართველოს კულტურის მაშინდელი მინისტრი გრიგოლ ვაშაძე წერილს უგზავნის რუსეთის კულტურის მინისტრს და ტრადიციული ,,კულტურული ხიდების” აღდგენას სთავაზობს. ვაშაძე მოსკოვს სთხოვს ოპერის თეატრის, რუსთაველის ან მარჯანიშვილის თეატრების სპექტაკლების, „რუსთავის” ან „ერისიონის”, კლასიკური და ჯაზის კონცერტების გამართვას, აგრეთვე ქართველი მხატვრების ნამუშევართა გამოფენის ორგანიზებას. გარდა ამისა, მიუთითებს, რომ საჭირო ხარჯებს დაფარავს საქართველო.