ჰერეთში ეთნიკური და რელიგიური ნიშნით ქართველთა დევნა-შევიწროვებაზე აზერბაიჯანის საელჩოსთან ისაუბრეს. "უფლებადამცველთა გაერთიანებამ" აქცია-პრესკონფერენციაზე ქართველთა უფლებების შელახვაზე, მათ დევნასა და პრობლემების მოგვარების გზებზე იმსჯელა. აქციის მსვლელობისას ნიკოლოზ მჟავანაძემ აზერბაიჯანის საელჩოს წარმომადგენლებს ილჰამ ალიევის სახელზე წერილი გადასცა და იმედი გამოთქვა, რომ აღნიშნულ საკითხს პრეზიდენტი უყურადღებოდ არ დატოვებს.